ഇസ്‌ലാമാബാദ്: കേസില്ലാത്ത ഒരാള്‍ക്കെതിരെ നടപടിയെടുക്കാനാവില്ലെന്നു പാകിസ്താന്‍ പ്രധാനമന്ത്രി ഷാഹിദ് ഖാന്‍ അബ്ബാസി. മുംബൈ ഭീകരാക്രമണത്തിന്റെ മുഖ്യ സൂത്രധാരനായ ഹാഫിസ് സഈദിനെതിരെ നടപടിെടുക്കാത്തതിലാണ് അബ്ബാസിയുടെ വിശദീകരണം.

ഹാഫിസ് സഈദിനെതിരെ പാകിസ്താനില്‍ ഒരു കേസ് പോലും രജിസ്റ്റര്‍ ചെയ്യപ്പെട്ടിട്ടില്ല. ഒരു കേസെങ്കിലും ഉണ്ടായിരുന്നെങ്കില്‍ നടപടിയെടുക്കാമായിരുന്നു- അബ്ബാസി പറഞ്ഞു. ജിയോ ടിവിക്ക് നല്‍കിയ അഭിമുഖത്തിലാണ് പ്രതികരണം.

ഹാഫിസിനെതിരെ നടപടിയെടുക്കണമെന്ന് ഇന്ത്യ നിരന്തരമായി ആവശ്യപ്പെടുന്നതിനിടെയാണ് പാകിസ്താന്റെ പ്രതികരണം.

നേരത്തെ വീട്ടു തടങ്കലിലായിരുന്ന ഹാഫിസ് സഈദിനെ അടുത്ത ിടെ കോടതിമോചിപ്പിക്കുകയായിരുന്നു. പാകിസ്താനിലെ 2018 ജനറല്‍ ഇലക്ഷനില്‍ ഹാഫിസ് സഈദ് മത്സരിക്കുമെന്ന് റിപ്പോര്‍ട്ടുണ്ടായിരുന്നു.