ലഖ്‌നോ: ഉത്തര്‍പ്രദേശില്‍ ഒന്നാം ഘട്ട തെരഞ്ഞെടുപ്പ് നാളെ നടക്കും. 15 ജില്ലകളിലായി 73 മണ്ഡലങ്ങളിലായാണ് തെരഞ്ഞെടുപ്പ് നടക്കുന്നത്.
ഇന്നലെയാണ് പരസ്യപ്രചാരണം അവസാനിച്ചത്. ഇന്ന് നിശബ്ദ പ്രചാരണത്തിന് ഒടുവില്‍ ശനിയാഴ്ച ബൂത്തിലേക്ക് പോകുമ്പോള്‍ വോട്ടര്‍മാര്‍ ഏത് രീതിയിലാണ് തെരഞ്ഞെടുപ്പിനെ സമീപിക്കുന്നതെന്ന ആശങ്കയാണ് രാഷ്ട്രീയ പാര്‍ട്ടികള്‍ക്ക്.
അതേസമയം വലിയതോതിലുള്ള പ്രതിസന്ധികളെ നേരിടുന്ന ബി.ജെ.പിക്ക് തെരഞ്ഞെടുപ്പില്‍ ജനങ്ങള്‍ പാര്‍ട്ടിയെ എങ്ങനെയാണ് സമീപിക്കുന്നതെന്ന ആശങ്കയുണ്ട്. ഭിന്നിക്കുന്ന വോട്ടില്‍ കണ്ണുവച്ചാണ് അവര്‍ നീങ്ങുന്നത്. എന്നാല്‍ വോട്ടുകള്‍ ഭിന്നിക്കാതിരിക്കാന്‍ എസ്.പി-കോണ്‍ഗ്രസ് സഖ്യം പരമാവധി പരിശ്രമിക്കുന്നുണ്ട്.