കൃഷ്ണഗിരി: നാലാമത് ബൈജൂസ് കേരള വെറ്ററന്‍സ് പ്രീമിയര്‍ ലീഗ് ക്രിക്കറ്റ് ടൂര്‍ണമെന്റിന് ഇന്ന് കൃഷ്ണഗിരിയില്‍ തുടക്കമാവും. ആദ്യ മത്സരത്തില്‍ രാവിലെ 8.30ന് ജെ.കെ മലബാര്‍ ടൈഗേഴ്‌സ് മലബാര്‍ വാരിയേഴ്‌സിനെ നേരിടും. നിലവിലെ ചാംപ്യന്‍മാരാണ് മലബാര്‍ ടൈഗേഴ്‌സ്. വിനന്‍ ജി നായരാണ് ടൈഗേഴ്‌സിനെ നയിക്കുന്നത്്. വാരിയേഴ്‌സിന്റെ നായകന്‍ സുനില്‍ ഒയാസിസും. രണ്ടാം മത്സരത്തില്‍ സുനില്‍കുമാര്‍ നയിക്കുന്ന അബ്‌സല്യൂട്ട് സോബേഴ്‌സും ഫിറോസ് റഷീദ് നയിക്കുന്ന കൊച്ചിന്‍ മുത്തൂറ്റ് ടസ്‌കേഴ്‌സും മത്സരിക്കും. മൂന്നാം മത്സരത്തില്‍ ആദ്യമത്സരത്തിലെ വിജയികള്‍ അജയ് കുടുവയുടെ കൊച്ചി റോയല്‍സുമായാണ് മാറ്റുരക്കുക. നാളെ സ്പിന്‍ മാന്ത്രികന്‍ അനന്തപദ്മനാഭന്റെ ട്രാവന്‍കൂര്‍ പാന്തേഴ്‌സ് കളത്തിലിറങ്ങും.