ആനക്കര: തൈപ്പൂയ്യം സുബ്രഹ്മണ്യന്‍ കോവിലുകളില്‍ ഉത്സവമേളം. ഇന്നാണ് തൈപ്പൂയ്യം. ഇതിന്റെ ഭാഗമായിട്ടാണ് എല്ലാം സുബ്രഹ്മണ്യന്‍ കോവിലുകളിലും തേര്‍ പൂജ മഹോത്സവം ആഘോഷിക്കുന്നത്. ആനക്കര നയ്യൂര്‍ ശ്രീ വീരവേല്‍ മുരുകന്‍ കോവിലില്‍ രാവിലെ ഗണപതിഹോമത്തോടെ തുടക്കമായി. നിവേദ്യം, അഭിഷേകം, പ്രത്യേകപൂജകള്‍,കാവടി വഴിപാട്, ഉഷഃപൂജ, ചെണ്ട മേള അരങ്ങേറ്റം, നയ്യൂര്‍ സുകുമാരന്‍ പാര്‍ട്ടിയുടെ ചെണ്ടമേളം, മഹാപൂജ, ഉച്ചയ്ക്ക് പ്രസാദ ഊട്ട്, ഉച്ചയ്ക്ക് ശേഷം കാവടിവഴിപാട്, നയ്യൂര്‍ ഉണ്ണിരാമത്ത് മനയില്‍ നിന്ന് കാവടി എഴുന്നളളിപ്പ് ക്ഷേത്രത്തില്‍ എത്തുന്നതോടെ ദീപാരാധന, അത്താഴ പൂജ, രാത്രിയില്‍ തായമ്പക, കരോക്കെ ഗാനമേള, ചേകനൂര്‍ ചന്ദ്രന്‍ പാര്‍ട്ടിയുടെ കാണിപ്പാട്ട്, പുലര്‍ച്ചെ താലത്തോടെ എഴുന്നളളിപ്പ് എന്നിവയോടെ സമാപനമായി