തിരുന്നാവായ സ്വദേശിയായ ഹംസ മുസ്‌ലിയാരുടെ കൗതുക പ്രവാസജീവിതം ആകര്‍ഷകമായ ഭാഷയില്‍ അവതരിപ്പിച്ച ലേഖകന്‍ എ. സജീവന് നന്ദി(ലക്കം 174). ആദ്യ ഗള്‍ഫ് മലയാളി പ്രവാസി തലമുറയിലെ അംഗമാണ് മുസ്‌ലിയാര്‍. മലയാളി ഗള്‍ഫിലേക്ക് ഒഴുകുന്നതിനും മുന്‍പെ കടല്‍കടന്ന് ജീവിതം കെട്ടിപ്പടുക്കാന്‍ ആരംഭിച്ച അദ്ദേഹത്തിന്റെ അനുഭവങ്ങള്‍ പ്രവാസത്തെ കുറിച്ചുള്ള പഠനങ്ങളെയും സഹായിക്കുന്നതാണ്. മുസ്‌ലിയാര്‍മാരെ കുറിച്ച് പുച്ഛം കലര്‍ന്ന പൊതുബോധം നിലനില്‍ക്കുന്ന കാലത്ത് ഒരു തിരുത്തുകൂടിയാണ് ഹംസ മുസ്‌ലിയാര്‍ എന്നു പറയേണ്ടിയിരിക്കുന്നു.