ബംഗളൂരു: ഉപരാഷ്ട്രപതി വെങ്കയ്യ നായിഡുവിന്റെ ഷൂ മോഷണം പോയി. ബി.ജെ.പി നേതാവിന്റെ വസതിയില്‍ വിരുന്നില്‍ പങ്കെടുത്ത് മടങ്ങാന്‍ നേരത്താണ് ഉപരാഷ്ട്രപതിയുടെ ഷൂ കാണാതായത്.
ഔദ്യോഗിക സന്ദര്‍ശനത്തിനെത്തിയ അദ്ദേഹം പ്രഭാത ഭക്ഷണത്തിനും വിരുന്നിനുമായാണ് പാര്‍ട്ടി എം.പി പി.സി മോഹനന്റെ വസതിയിലെത്തിയത്. കേന്ദ്രമന്ത്രിമാരായ സദാനന്ദ ഗൗഡ, അനന്തകുമാര്‍ എന്നിവരും വിരുന്നില്‍ പങ്കെടുത്തിരുന്നു. വീടിന് പുറത്ത് ഷൂ അഴിച്ചുവച്ചാണ് വെങ്കയ്യ നായിഡു അകത്തേക്ക് പ്രവേശിച്ചത്. വിരുന്ന് കഴിഞ്ഞ പുറത്തിറങ്ങിയപ്പോള്‍ അദ്ദേഹത്തിന്റെ മാത്രം ഷൂ കാണാനില്ലായിരുന്നു.
പിന്നീട് മറ്റൊരു ഷൂ വാങ്ങിയിട്ടാണ് അദ്ദേഹം ഇവിടെ നിന്നുപോയത്.