കിഴിശ്ശേരി: മദ്‌റസകള്‍ മതസൗഹാര്‍ദത്തിന്റെ കേന്ദ്രങ്ങളാണെന്നും ആധുനിക രീതികള്‍ ഉപയോഗപ്പെടുത്തി പഠനരംഗം കൂടുതല്‍ സജീവമാക്കണമെന്നും പാണക്കാട് സയ്യിദ് ഹൈദരലി ശിഹാബ് തങ്ങള്‍. മുണ്ടംപറമ്പ് പാണാട്ടാലുങ്ങല്‍ മുനവ്വിറുര്‍ ഇസ്‌ലാം സെക്കന്‍ഡറി മദ്‌റസയുടെ നവീകരിച്ച കെട്ടിടം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
മദ്‌റസ ഉദ്ഘാടന സപ്ലിമെന്റ് സലീം ബാബുവിന് നല്‍കി തങ്ങള്‍ പ്രകാശനം ചെയ്തു. പൊതുസമ്മേളനം സമസ്ത ജനറല്‍ സെക്രട്ടറി ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷനായി. ഹസ്സന്‍ സഖാഫി പൂക്കോട്ടൂര്‍ ആമുഖ പ്രഭാഷണം നടത്തി. നാസര്‍ ഫൈസി കൂടത്തായി മുഖ്യപ്രഭാഷണം നടത്തി.
ടി.വി ഇബ്രാഹീം എം.എല്‍.എ, കുഴിമണ്ണ പഞ്ചായത്ത് പ്രസിഡന്റ് ബാലത്തില്‍ ബാപ്പു, എം.സി മുഹമ്മദ് ഹാജി, പി.എ ജബ്ബാര്‍ ഹാജി, കെ കലാം ഹാജി, മുഹമ്മദ് ബാഖവി മുണ്ടംപറമ്പ്, മജീദ് ഫൈസി കിഴിശ്ശേരി, എം.പി കടുങ്ങല്ലൂര്‍, ഉസ്മാന്‍ ഫൈസി, കബീര്‍ ദാരിമി കുഴിഞ്ഞൊളം, സൈനുല്‍ ആബിദ് ദാരിമി, റഷീദ് ബാഖവി, അബ്ദുല്ലത്തീഫ് മൗലവി, കുഞ്ഞാലി മുസ്‌ലിയാര്‍, അബൂബക്കര്‍ മൗലവി, അലവിക്കുട്ടി ഹാജി കല്ലട, മലയില്‍ മൊയ്തീന്‍ കുട്ടി മാസ്റ്റര്‍ എന്നിവര്‍ സംസാരിച്ചു.