കയ്പമംഗലം: വിദ്യാര്‍ഥികളില്‍ ആവേശവും കൗതുകവുമുണര്‍ത്തി പെരിഞ്ഞനം ആര്‍.എം.വി.എച്ച്.എസ്. സകൂളില്‍ നടന്ന നദീം മുസ്തഫയുടെ ഡോട്ട്‌സ് ആര്‍ട്ട് ചിത്ര രചന പ്രദര്‍ശനവും ശില്‍പശാലയും ശ്രദ്ദേയമായി. പെരിഞ്ഞനം സ്വദേശിയും ആര്‍.എം.വി.എച്ച്.എസ് സ്‌കൂളിലെ പൂര്‍വ വിദ്യാര്‍ഥി കൂടിയായ നദീം മുസ്തഫയുടെ ചിത്രരചന ശില്‍പശാലയില്‍ ചിത്രം വരക്കാന്‍ അഭിരുചിയുള്ള വിദ്യാര്‍ഥികള്‍ പങ്കെടുത്തത് പരിപാടിയുടെ മാറ്റു കൂട്ടി. പേനകൊണ്ട് കുത്തുകള്‍ ഇട്ട് വരക്കുന്ന നദീം മുസ്തഫയുടെ ചിത്രരചന രീതി വിദ്യാര്‍ഥികളെ അഭ്യസിപ്പിച്ച് പരിശീലിപ്പിക്കുകയും ചെയ്തു. കേരളത്തിലെ രാഷ്ടീയ, സാംസ്‌കാരിക, കലാരംഗത്തെ പ്രമുഖരുടെ നദീം മുസ്തഫ വരച്ച ചിത്രങ്ങളാണ് സ്‌കൂളില്‍ പ്രദര്‍ശിപ്പിച്ചത്.പി.ടി.എ പ്രസിഡന്റ്് ശംസുദ്ദീന്‍ വാത്യേടത്ത് ഉദ്ഘാടനം ചെയ്തു.വൈസ് പ്രസിഡന്റ് കെ.കെ നാസര്‍ അധ്യക്ഷനായി. പ്രിന്‍സിപ്പല്‍ കെ.ആര്‍ രാമനാഥന്‍ മാസ്റ്റര്‍, പി.ആര്‍ ജയപാലന്‍, ബി.ബിബ, കെ.ആര്‍ മിനി , ടി.എസ് അജിത തുടങ്ങിയവര്‍ സംസാരിച്ചു.