പാരിസ്: ഫ്രഞ്ച് തലസ്ഥാനമായ പാരിസ് നഗരം കടുത്ത വെള്ളപ്പൊക്ക ഭീഷണിയില്‍. നഗരത്തിലൂടെ ഒഴുകുന്ന സൈന്‍ നദി കരകവിഞ്ഞൊഴുകിയതിനെ തുടര്‍ന്ന് നദിക്കരയിലുള്ള താസമക്കാര്‍ക്കും ബിസിനസ് സ്ഥാപനങ്ങള്‍ക്കും അധികൃതര്‍ ജാഗ്രതാ നിര്‍ദേശം നല്‍കി.
ഏതാനും ആഴ്ചകളായി നഗരത്തില്‍ കനത്ത മഴ പെയ്തതിനെ തുടര്‍ന്നാണ് നദിയില്‍ ജലനിരപ്പ് ഉയര്‍ന്നത്. സാധാരണ നിലയെക്കാളും 20 ഇരട്ടി വരെ ഉയരത്തിലേക്ക് ജലനിരപ്പ് ഉയരാനിടയുണ്ടെന്നാണു ബന്ധപ്പെട്ട വൃത്തങ്ങള്‍ നല്‍കുന്ന സൂചന. ഇതേതുടര്‍ന്ന്, നദിയിലൂടെയുള്ള വിനോദ സഞ്ചാര ബോട്ടിങ് നിര്‍ത്തലാക്കിയിട്ടുണ്ട്. നദിക്കരയിലൂടെയുള്ള റോഡുകള്‍ അടക്കുകയും ചെയ്തു. നഗരത്തിലെ പ്രശസ്തമായ ലൂവര്‍ മ്യൂസിയം അടച്ചിട്ടു.