ചെന്നൈ: സമുദ്രാതിര്‍ത്തി ലംഘിച്ച 12 മത്സ്യത്തൊഴിലാളികളെ ശ്രീലങ്കന്‍ നാവിക സേന അറസ്റ്റ് ചെയ്തു. തലൈമന്നാറിനടുത്തുവച്ചാണ് ഇവരെ അറസ്റ്റ് ചെയ്തതെന്ന് ഫിഷറീസ് വകുപ്പ് അറിയിച്ചു. മത്സ്യബന്ധനത്തിന് ഉപയോഗിച്ച രണ്ട് ബോട്ടുകളും പിടിച്ചെടുത്തിട്ടുണ്ട്. സമുദ്രാതിര്‍ത്തി ലംഘിച്ചതിനുപുറമെ നിരോധിത വല ഉപയോഗിച്ചതും കണക്കിലെടുത്താണ് ഇവരെ അറസ്റ്റ് ചെയ്തതെന്നാണ് ശ്രീലങ്കന്‍ നാവിക സേന അറിയിച്ചത്.