നെയ്യാറ്റിന്‍കര: ഐ.എസ്.ആര്‍.ഒ യുടെ  ആര്‍.എല്‍.വി-ടി.ഡി  വിക്ഷേപണ വാഹനം വിജയത്തിലെത്തിച്ചതില്‍ നിര്‍ണായക പങ്കു വഹിച്ച ശ്യാം മോഹന്  ജന്മനാട്ടില്‍ ആദരം.  
ആര്‍.എല്‍.വി-ടി.ഡിയുടെ പ്രോജക്ട് ഡയറക്ടറായ ശ്യാം നെയ്യാറ്റിന്‍കര സ്വദേശിയാണ്. നെയ്യാറ്റിന്‍കര മുന്‍ എം.എല്‍.എ ആയിരുന്ന പി.നാരായണന്‍തമ്പിയുടെ മകനാണ്.   നെയ്യാറ്റിന്‍കര ഠൗണ്‍ യു.പി.എസ്,  നെയ്യാറ്റിന്‍കര വി.എച്ച്.എസ്.എസ് ,  ധനുവച്ചപുരം കോളജ് , തൃശൂര്‍ എന്‍.ജി കോളേജ്  എന്നിവിടങ്ങളില്‍ പഠനം പൂര്‍ത്തിയാക്കിയ ശേഷം  മദ്രാസ് ഐ.ഐ.ടിയില്‍ നിന്നു എം.ടെകും  ഭാമാ റിസര്‍ച്ച് സെന്റര്‍ ബാഗ്ലൂരില്‍ നിന്നും പി.എച്ച്.ഡിയും  നേടി.
ആറ് വര്‍ഷമായി   ആര്‍.എല്‍.വി-ടി.ഡിയുടെ പ്രോജക്ട് ഡയറക്ടറായി പ്രവര്‍ത്തിക്കുകയാണ്. ഇന്നലെ നെയ്യാറ്റിന്‍കര ആലുംമൂട്ടിലുളള  വീട്ടില്‍ നെയ്യാറ്റിന്‍കര പൗരാവലിയുടെ നേതൃത്വത്തിലാണ് ആദരിച്ചത്. നിയുക്ത എം.എല്‍.എ കെ.ആന്‍സലന്‍ ഉപഹാരം നല്‍കി.