ആലപ്പുഴ: ആലപ്പുഴയിലെ കലവൂരിലെ സുഭദ്രയുടേത് ആസൂത്രിത കൊലപാതകമെന്ന് പൊലിസ്. സുഭദ്രയെ കൊല്ലാന്‍ പ്രതികള്‍ വന്‍ ആസൂത്രണം നടത്തിയെന്ന് ആലപ്പുഴ എസ്പി എംപി മോഹനചന്ദ്രന്‍. രണ്ട് മാസം മുന്‍പ് കടവന്ത്രയില്‍ വെച്ച് പ്രതികള്‍ സുഭദ്രയെ കൊല്ലാന്‍ പദ്ധതിയിട്ടിരുന്നു, ഇത് നടക്കാതെ വന്നതോടെ മറ്റൊരു സുരക്ഷിത സ്ഥലം തേടി. തുടര്‍ന്നാണ് കലവൂരിലെ വീട്ടില്‍ വെച്ച് കൊലപാതകം നടത്തുന്നത്.

പ്രതികള്‍ ആദ്യം മയക്കുഗുളിക നല്‍കി ബോധം കെടുത്തി സ്വര്‍ണം കവര്‍ന്നു. മാത്യുവിന്റെ സുഹൃത്തും ബന്ധുവുമായ റൈനോള്‍ഡ് ആണ് പ്രതികള്‍ക്ക് മയക്കുഗുളിക എത്തിച്ചു നല്‍കിയത്. ബോധം വന്നപ്പോള്‍ സുഭദ്ര കാണാതായ സ്വര്‍ണം ആവശ്യപ്പെട്ടുവെന്നും തുടര്‍ന്നാണ് കൊലപാതകമെന്നും പ്രതികള്‍ പൊലിസിന് മൊഴി നല്‍കി. 

കെഡാവര്‍ നായയെ എത്തിച്ച് നടത്തിയ പരിശോധനയാണ് നിര്‍ണായകമായതെന്ന് എസ് പി എംപി മോഹനചന്ദ്രന്‍ പറഞ്ഞു. നെഞ്ചില്‍ ചവിട്ടിയും കഴുത്ത് ഞരിച്ചുമാണ് സുഭദ്രയെ കൊലപ്പെടുത്തിയതെന്ന് പ്രതികള്‍ പൊലിസിന് മൊഴി നല്‍കി.

Accused individuals claim they used sedatives to rob gold from a victim, but when the victim regained consciousness and demanded their gold back, they allegedly killed them. The case is currently under investigation.