ബംഗളൂരു: എ.എഫ്.സി കപ്പ് യോഗ്യതാ പോരാട്ടത്തിലെ നിര്‍ണായക മത്സരത്തിനായി ബംഗളൂരു എഫ്.സി ഇന്ന് സ്വന്തം തട്ടകത്തിലിറങ്ങും. ഭൂട്ടാന്‍ ടീം ട്രാന്‍സ്‌പോര്‍ട്ട് യുനൈറ്റഡാണ് ബംഗളൂരു ടീമിന്റെ എതിരാളികള്‍. രണ്ടാം പാദ പോരാട്ടത്തിനായാണ് ടീം സ്വന്തം തട്ടകത്തില്‍ കളിക്കാനിറങ്ങുന്നത്. നേരത്തെ ആദ്യ പാദ പോരാട്ടം ഗോള്‍രഹിത സമനിലയില്‍ ആയതിനാല്‍ ശ്രീകണഠീരവ സ്റ്റേഡിയത്തിലെ മത്സരത്തില്‍ എതിരാളികളെ ഗോളടിക്കാന്‍ അനുവദിക്കാതെ വിജയം സ്വന്തമാക്കുകയെന്ന ലക്ഷ്യമാണ് ബംഗളൂരുവിന്റെ വെല്ലുവിളി.