കൊച്ചി: കെ.പി.സി.സി വൈസ് പ്രസിഡന്റ് വി.ഡി സതീശന്‍ നയിക്കുന്ന യു.ഡി.എഫ് മേഖലാ ജാഥയോട് അനുബന്ധിച്ചു യൂത്ത് കോണ്‍ഗ്രസ് കെ.എസ്.യു ജില്ലാ നേതൃസംഗമം നടത്തി.
എറണാകുളം ഡി.സി.സി ഹാളില്‍ കൂടിയ നേതൃസംഗമം ഡി.സി.സി. പ്രസിഡന്റ് ടി.ജെ വിനോദ് ഉദ്ഘാടനം നിര്‍വഹിച്ചു.
യൂത്ത് കോണ്‍ഗ്രസ് എറണാകുളം പാര്‍ലമെന്റ് കമ്മിറ്റി പ്രസിഡന്റ് എം.വി രതീഷ് അധ്യക്ഷനായി. ഡി.സി.സി വൈസ് പ്രസിഡന്റുമാരായ മനോജ് മൂത്തേടന്‍, മുഹമ്മദ് ഷിയാസ്, ജനറല്‍ സെക്രട്ടറിമാരായ എം.ടി ജയന്‍, ബാബു പുത്തനങ്ങാടി, പോളച്ചന്‍ മണിയംകോട്ട് , ആര്‍.കെ.സുരേഷ് ബാബു, കെ.എക്‌സ് സേവ്യര്‍, പ്രദീപ് കുമാര്‍ യൂത്ത് കോണ്‍ഗ്രസ് ദേശീയ സെക്രട്ടറി ജെബി മേത്തര്‍ , സംസ്ഥാന സെക്രട്ടറി ടി.ജി.സുനില്‍, കെ.എസ്.യു സംസ്ഥാന സെക്രട്ടറിമാരായ പി.വൈ.ഷാജഹാന്‍, സബീര്‍ മുട്ടം, ദിലീപ് കുഞ്ഞുകുട്ടി എന്നിവര്‍ പ്രസംഗിച്ചു. ചാലക്കുടി പാര്‍ലമെന്റ് കമ്മിറ്റി പ്രസിഡന്റ് പി.ബി.സുനീര്‍ സ്വാഗതവും കെ.എസ്.യു ജില്ലാ സെക്രട്ടറി വിഷ്ണു പ്രദീപ് നന്ദിയും പറഞ്ഞു.
ജില്ലാ അതിര്‍ത്തിയില്‍ നിന്നും നൂറോളം വരുന്ന ബൈക്കുകളുടെ അകമ്പടിയോടുകൂടിയ പ്രകടനമായി ജാഥയെ സ്വീകരിക്കുവാനും മുന്നൂറോളം വീതം പ്രവര്‍ത്തകരെ സ്വീകരണ പരിപാടികളില്‍ പങ്കെടുപ്പിക്കാനും യോഗം തീരുമാനിച്ചു.