ഊര്‍ക്കടവ്: പ്രവാസി കൂട്ടായ്മയായ ഗള്‍ഫ് ഒ.എം.സി.സിയുടെ നേതൃത്വത്തില്‍ മഹല്ലിലെ നിര്‍ധനരായ കുടുംബങ്ങള്‍ക്ക് റമദാന്‍ റിലീഫ് കിറ്റുകള്‍ വിതരണം ചെയ്തു. ഊര്‍ക്കടവ് ജുമാമസ്ജിദ് അങ്കണത്തില്‍വച്ച് നടന്ന പരിപാടിയില്‍ ഗള്‍ഫ് ഒ.എം.സി.സി ദമാം ഏരിയാ കണ്‍വീനര്‍ യൂനുസ് മാങ്കുടി വിതരണോദ്ഘാടനം നിര്‍വഹിച്ചു.
ശിഹാബുദ്ദീന്‍ ഫൈസി അധ്യക്ഷനായി. മഹല്ല് പ്രസിഡന്റ് പി.എം അബ്ദുറഹ്മാന്‍ ഹാജി, സലാം എടത്തില്‍, ഉസ്സയിന്‍ സാഹിബ്, എ.പി റഷീദ്, ഗള്‍ഫ് ഒ.എം.സി.സി പ്രവര്‍ത്തകരായ സലാം തറോല്‍, മുനീര്‍ കായലം, യാക്കൂബ് കായലം, ഇ.സി അഷ്‌റഫ്, നാസര്‍ എ.കെ.സി, എ.കെ മുഹമ്മദ്, എ.കെ ഷറഫുദ്ദീന്‍, എ.കെ അബ്ദുറഹ്മാന്‍ സംസാരിച്ചു.