ചരല്‍കുന്ന്: ഇരു സമസ്തകളും തമ്മിലുള്ള ഐക്യം ആദര്‍ശബന്ധിതമാണെന്ന് സുന്നി മഹല്ല് ഫെഡറേഷന്‍ സംസ്ഥാന ജനറല്‍ സെക്രട്ടറി ഉമര്‍ ഫൈസി മുക്കം പറഞ്ഞു.
പത്തനംതിട്ടയിലെ ചരല്‍കുന്നില്‍ ഇന്നലെ ആരംഭിച്ച രണ്ടുദിവസം നീണ്ടുനില്‍ക്കുന്ന എസ്.എം.എഫ് ദക്ഷിണമേഖലാ ക്യാംപ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കേരളീയ മുസ്‌ലിം സമുദായത്തിന് മതബോധം നല്‍കി വിശ്വാസ സംരക്ഷണത്തിന് അവസരം സൃഷ്ടിച്ചത് സമസ്ത കേരള ജം ഇയ്യത്തുല്‍ ഉലമ മഹല്ല് സംവിധാനത്തില്‍ തീര്‍ത്ത സംഘബോധത്തിലൂടെയാണെന്നും അദ്ദേഹം കൂട്ടിച്ചേര്‍ത്തു. എം. മുഹമ്മദ് സാലി പത്തനംതിട്ട അധ്യക്ഷനായി. ഹദീയത്തുല്ല തങ്ങള്‍, തോന്നക്കല്‍ ജമാല്‍, സി.ടി അബ്ദുല്‍ ഖാദര്‍ തൃക്കരിപ്പൂര്‍, ഇബ്രാഹിംകുട്ടി മുസ്‌ലിയാര്‍ അഞ്ചല്‍, എ.കെ ആലിപ്പറമ്പ്, ഒ.എം ഷെരീഫ് ദാരിമി, ആലങ്കോട് ഹസ്സന്‍, സുബൈര്‍ ഹുദവി ചേകന്നൂര്‍, ഹംസ ബിന്‍ ജമാല്‍ റംലി, സിറാജുദ്ദീന്‍ വെള്ളാപ്പള്ളി സംസാരിച്ചു.