മൊറയൂര്‍: സമസ്ത കേരളാ ജംഇയ്യത്തുല്‍ മുഅല്ലിമീന്‍ മലപ്പുറം മേഖലാ ഇസ്‌ലാമിക കലാമേളയില്‍ മലപ്പുറം റെയ്ഞ്ച് ഒന്നും മൊറയൂര്‍ രണ്ടാം സ്ഥാനവും പൂക്കോട്ടൂര്‍ മൂന്നാം സ്ഥാനവും നേടി. മുഅല്ലിം വിഭാഗത്തില്‍ പൂക്കോട്ടൂര്‍, മൊറയൂര്‍, മലപ്പുറം റെയിഞ്ചുകള്‍ ഒന്നും രണ്ടും മൂന്നും സ്ഥാനം നേടി. ഒഴുകൂര്‍ പള്ളിമുക്ക് ഹയാത്തുല്‍ ഇസ്‌ലാം മദ്‌റസയില്‍ നടന്ന കലാമേള ടി.വി ഇബ്രാഹീം എം.എല്‍.എ ഉദ്ഘാടനം ചെയ്തു. മേഖലാ പ്രസിഡന്റ് അബ്ദുല്‍ അസീസ് ദാരിമി മുതിരിപറമ്പ് അധ്യക്ഷനായി.
അനസ് സഅദി കൂരാട് ട്രോഫി വിതരണം ചെയ്തു. സ്വാദിഖ് ഫൈസി അരിമ്പ്ര, മുഹമ്മദലി മുസ്‌ലിയാര്‍ ആനക്കയം, എം.പി സ്വാദിഖ് നിസാമി കടുങ്ങല്ലൂര്‍, അലവിക്കുട്ടി ഫൈസി പുല്ലാര, മൊയ്തീന്‍ കുട്ടി മുസ്‌ലിയാര്‍, സി മുഹമ്മദ് സംസാരിച്ചു.