മലപ്പുറം: ഏപ്രില്‍ 28, 29, 30 തിയതികളില്‍ തിരൂര്‍ക്കാട് നടക്കുന്ന തിരൂര്‍ക്കാട് അന്‍വാറുല്‍ ഇസ്‌ലാം യതീം ഖാന ആന്‍ഡ് കോളജിന്റെ വാര്‍ഷിക സമ്മേളനത്തിന്റെ പ്രചരണോദ്ഘാടനം തിരൂര്‍ക്കാട് പാറമ്മല്‍ അന്‍വാറുല്‍ ഇസ്‌ലാം മദ്‌റസയില്‍ നടന്നു.
സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി കെ ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. അന്‍വാര്‍ ജനറല്‍ സെക്രട്ടറി ഹാജി കെ മമ്മദ് ഫൈസി അധ്യക്ഷനായി. കെ.ടി മൊയ്തീന്‍ ഫൈസി മുഖ്യപ്രഭാഷണം നടത്തി. ഡി.ഇ.ഒ ആയി തെരഞ്ഞടുക്കപ്പെട്ട തോണിക്കര ഇബ്രാഹീം മാസ്റ്ററെയും സമസ്ത പാഠപുസ്തകങ്ങളുടെ ഉറുദു പതിപ്പ് തയാറാക്കുന്നതില്‍ നേതൃപരമായ പങ്ക് വഹിച്ച ശംസുദ്ദീന്‍ മാസ്റ്ററെയും ചടങ്ങില്‍ ആദരിച്ചു. ശബീര്‍ കറുക്കില്‍, കെ ഇബ്രാഹീം ഫൈസി, ഇബ്രാഹീം മാസ്റ്റര്‍, ശംസുദ്ദീന്‍ മാസ്റ്റര്‍, അബൂബക്കര്‍ ഫൈസി, മുര്‍ശിദ് തങ്ങള്‍, സക്കീര്‍ ഫൈസി, സ്വാദിഖ് ഫൈസി. ശമീര്‍ ഫൈസി സംസാരിച്ചു.