സെഞ്ചൂറിയന്‍: ദക്ഷിണാഫ്രിക്കന്‍ പരമ്പരയിലെ രണ്ടാം ഏകദിന മത്സരത്തില്‍ ഇന്ത്യ ബൗളിങ് തെരഞ്ഞെടുത്തു. ടോസ് നേടിയ ഇന്ത്യ ബൗളിങ് തെരഞ്ഞെടുക്കുകയായിരുന്നു.

ആദ്യമത്സരത്തില്‍ നിന്നും ഒരു മാറ്റവും വരുത്താതെയാണ് ഇന്ത്യ ഇന്ന് ഇറങ്ങുന്നത്. എന്നാല്‍, രണ്ടു മാറ്റങ്ങളുമായാണ് ദക്ഷിണാഫ്രിക്ക ഇന്നിറങ്ങുന്നത്. പരുക്കേറ്റ എ.ബി ഡിവില്ലേഴ്‌സിനും ക്യാപ്റ്റന്‍ ഫാഫ് ഡുപ്ലസിസിനും പകരക്കാരായി രണ്ടു പേരാണ് ടീമിലിടം നേടിയത്. ഖായാ സോന്‍ഡോ, തബ്രീസ് ശംഷി എന്നിവരാണ് ടീമിലിടം നേടിയത്. സോന്‍ഡോയുടെ അരങ്ങേറ്റ മത്സരം കൂടിയാണിത്. നായകനായ ഫാഫ് ഡുപ്ലസിസിന്റെ അഭാവത്തില്‍ എയ്ഡന്‍ മാര്‍ക്രം ആണ് ദക്ഷിണാഫ്രിക്കയെ നയിക്കുന്നത്.

ആറു മത്സരങ്ങളുള്ള പരമ്പരയില്‍ ആദ്യ മത്സരം ജയിച്ച ഇന്ത്യ 1-0 മുമ്പിലാണ്.