കല്‍പ്പറ്റ: പാടിച്ചിറ ഇലക്ട്രിക്കല്‍ സെക്ഷന്‍ പരിധിലെ 11 കെ.വി. ലൈനുകളില്‍ തട്ടി നില്‍ക്കുന്ന വൃക്ഷ ശിഖരങ്ങള്‍ മുറിച്ചു മാറ്റുന്നതിന് ഇന്ന് മുതല്‍ ജൂണ്‍ നാലു വരെ സെക്ഷന്‍ പരിധിയിലെ വിവിധ പ്രദേശങ്ങളില്‍ വൈദ്യുതി നിയന്ത്രണം ഏര്‍പ്പെടുത്തിയതായി അസി.എന്‍ജിനീയര്‍ അറിയിച്ചു. ഇന്ന് പറുദീസ, സീതാമൗണ്ട്, കൊളവള്ളി പ്രദേശങ്ങളിലും നാളെ പട്ടാണിക്കൂപ്പ്, പെരിക്കല്ലൂര്‍, ചേലൂര്‍, മരക്കടവ്, കബനഗിരി പ്രദേശങ്ങളിലും രണ്ടിന് കുരിശുമല, ചണ്ണോത്തുകൊല്ലി, ചാമപ്പാറ പ്രദേശങ്ങളിലും മൂന്നിന് ആലത്തൂര്‍, പള്ളിത്താഴെ, പാറക്കടവ്, വണ്ടിക്കടവ്, മാടപ്പള്ളിക്കുന്ന് പ്രദേശങ്ങളിലും നാലിന് പാടിച്ചിറ സെക്ഷന്‍ പരിധിയില്‍ പൂര്‍ണമായും രാവിലെ എട്ടു മുതല്‍ വൈകീട്ട് അഞ്ചുവരെ വൈദ്യുതി മുടങ്ങും.
കല്‍പ്പറ്റ: 11 കെ.വി. ലൈനില്‍ അറ്റകുറ്റപ്പണി നടക്കുന്നതിനാല്‍ ഇന്ന് പനമരം ഇലക്ട്രിക്കല്‍ സെക്ഷന്‍ പരിധിയിലെ പനമരം ടൗണ്‍, ഹൈസ്‌കൂള്‍ റോഡ് പ്രദേശങ്ങളില്‍ രാവിലെ എട്ടു മുതല്‍ വൈകിട്ട് അഞ്ചു വരെയും മേപ്പാടി ഇലക്ട്രിക്കല്‍ സെക്ഷന്‍ പരിധിയിലെ പുത്തുമല, ചുളുക്ക, ബീനാച്ചി, ചൂരല്‍മല, മുണ്ടക്കൈ, അട്ടമല പ്രദേശങ്ങളില്‍ രാവിലെ ഒമ്പതു മുതല്‍ വൈകീട്ട്് അഞ്ചുവരെയും വൈദ്യുതി മുടങ്ങുമെന്ന് അസി.എന്‍ജിനീയര്‍ അറിയിച്ചു.