തിരുവനന്തപുരം: നഗരത്തിലെ സ്‌കൂള്‍ ,കോളജ് വിദ്യാര്‍ഥികള്‍ക്ക് കഞ്ചാവ് എത്തിക്കുന്ന യുവാവ് പിടിയില്‍. തിരുവല്ലം കരിങ്കടമുകള്‍ സ്വദേശി ബിജു (30) വാണ് തിരുവല്ലം ക്രൈസ്റ്റ് നഗര്‍ സ്‌കൂളിന് സമീപത്തുനിന്നും പിടിയിലായത്.
മൊബൈല്‍ ഫോണിലൂടെയായിരുന്നു ഇയാളുടെ ഇടപാടുകള്‍. ആവശ്യക്കാരെ നിശ്ചിത സ്ഥലങ്ങളില്‍ വരുത്തി വില്‍പന നടത്തുകയായിരുന്നു പതിവ്. തമിഴ്‌നാട്ടില്‍ നിന്നും കുറഞ്ഞ വിലയ്ക്ക് കഞ്ചാവ് എടുക്കുന്ന ഇയാള്‍ പോളിത്തീന്‍ കവറുകളില്‍ 500, 200 രൂപയുടെ പൊതികളാക്കിയായിരുന്നു വില്‍പന നടത്തിയിരുന്നത്.
ഇയാളുടെ മൊബൈല്‍ ഫോണ്‍ കേന്ദ്രീകരിച്ച് അന്വേഷണം നടത്തുമെന്നും വരും ദിവസങ്ങളിലും അന്വേഷണം തുടരുമെന്നും സിറ്റി പൊലിസ് കമ്മിഷണര്‍ സ്പര്‍ജന്‍കുമാര്‍ അറിയിച്ചു.
കണ്‍ട്രോള്‍ റൂം അസി. കമ്മീഷണര്‍ സുരേഷ്‌കുമാര്‍ വി, തിരുവല്ലം എസ്.ഐ. ശ്രീകാന്ത് മിശ്ര, എസ്.ഐ. ചന്ദകലാധരന്‍, ഷാഡോ എസ്.ഐ. സുനില്‍ ലാല്‍, സിറ്റി ഷാഡോ ടീമംഗങ്ങള്‍ എന്നിവരടങ്ങിയ സംഘമാണ് പ്രതിയെ പിടികൂടിയത്.