സാന്‍ഫ്രാന്‍സിസ്കോ: വിഖ്യാത തബല മാന്ത്രികന്‍ ഉസ്താദ് സാക്കിര്‍ ഹുസൈന്‍ അന്തരിച്ചു. അമേരിക്കയിലെ സാന്‍ ഫ്രാന്‍സിസ്‌കോ ആശുപത്രിയില്‍ വച്ചാണ് അന്ത്യം. 73 വസ്സായിരുന്നു. രക്തസമ്മര്‍ദ്ദവുമായി ബന്ധപ്പെട്ട പ്രശ്‌നങ്ങള്‍ അലട്ടിയിരുന്ന അദ്ദേഹത്തെ കഴിഞ്ഞയാഴ്ചയാണ് ആശുപത്രിയില്‍ പ്രവേശിപ്പിച്ചത്. സാക്കിര്‍ ഹുസൈന്റെ തിരിച്ചുവരവിനായി എല്ലാവരും പ്രാര്‍ഥിക്കണമെന്ന് കുടുംബം അഭ്യര്‍ഥിച്ചതിന് തൊട്ടുപിന്നാലെയാണ് മരണം സ്ഥിരീകരിച്ചത്. 
പത്മശ്രീ (1988), പത്മഭൂഷണ്‍ (2002), പത്മവിഭൂഷണ്‍ (2023) എന്നിങ്ങനെയുള്ള സിവിലിയന്‍ ബഹുമതികള്‍ക്കര്‍ഹനായ അദ്ദേഹം 51മത് ഗ്രാമീണ്‍ അവാര്‍ഡുകള്‍ ഉള്‍പ്പെടെ നിരവധി അവാര്‍ഡുകളും വാരിക്കൂട്ടി. 

മുംബൈയിലെ ഖുറേഷി കുടുംബത്തില്‍ ഇതിഹാസ തബലിസ്റ്റ് അള്ളാ റഖ എന്ന അള്ളാറഖ ഖാന്‍ ഖുറേഷിയുടെ മകനായി 1951ലാണ് ജനനം. ശാസ്ത്രീയ നൃത്തരൂപമായ കഥക് വിദഗ്ധ ആന്റോണിയ മിന്നെസോലയാണ് ഭാര്യ. അനിസ ഖുറേശി, ഇസബല്ലെ ഖുറേശി എന്നിവരാണ് മക്കള്‍. ക്ലാസിക്കല്‍ സംഗീതജ്ഞന്‍ തൗഫീഖ് ഖുറേശി, തബലവിദ്വാന്‍ ഫസല്‍ ഖുറേശി എന്നിവര്‍ സഹോദരങ്ങളാണ്.
നിരവധി ചലച്ചിത്രങ്ങളുടെയും ഭാഗമായിട്ടുണ്ട്.

Renowned Indian tabla player and musician Ustad Zakir Hussain has passed away, leaving behind a legacy of incredible contributions to the world of music.