ലഖ്‌നൗ: സംഭലില്‍ ഷാഹി മസ്ജിദ് നിലനില്‍ക്കുന്ന പ്രദേശത്ത് നടത്തിവന്ന ബുള്‍ഡോസര്‍ രാജിനിടെ 40 വര്‍ഷത്തോളമായി അടഞ്ഞുകിടന്ന ക്ഷേത്രം കണ്ടെത്തിയതായി യു.പി പൊലിസ്. 1978 മുതല്‍ അടച്ചിട്ട ക്ഷേത്രമാണിത്. 

ക്ഷേത്രം ശുചീകരിച്ച് വിശ്വാസികള്‍ക്കായി തുറന്നുകൊടുക്കുമെന്ന് പൊലിസ് പറഞ്ഞു. അനധികൃത കൈയേറ്റങ്ങള്‍ ഒഴിപ്പിക്കുകയാണെന്ന അവകാശവാദത്തോടെ ബുധനാഴ്ച മുതല്‍ പ്രദേശത്ത് പൊലിസ് റെയ്ഡും ബുള്‍ഡോസര്‍ രാജും നടത്തിവരികയാണ്. 

ഇതിനിടെ ഉദ്യോഗസ്ഥ സംഘം വര്‍ഷങ്ങളായി ശ്രദ്ധിക്കപ്പെടാതെ കിടന്ന ശിവന്റെയും ഹനുമാന്റെയും വിഗ്രഹങ്ങള്‍ കണ്ടെന്നും സമീപത്ത് മോശം അവസ്ഥയില്‍ കിടന്ന കുഴല്‍ക്കിണറും കണ്ടെത്തിയതായും സംഭല്‍ സര്‍ക്കിള്‍ ഓഫിസര്‍ അനുജ് കുമാര്‍ ചൗധരി പറഞ്ഞു.

A 40-year-old abandoned temple was uncovered by UP Police during a bulldozer drive near Shahi Masjid in Sambhal.