സുല്‍ത്താന്‍ ബത്തേരി: വേദനിക്കുന്നവന്ന് സാന്ത്വനമേകാന്‍ ആവശ്യമായ മെഡിക്കല്‍ ഉപകരണങ്ങളുമായി മദീന പാഷന്‍ സന്ദേശ യാത്രയോടൊപ്പം സഹചാരിയുടെ സാന്നിദ്ധ്യം ശ്രദ്ധേയമാകുന്നു. വീല്‍ചെയര്‍, ഓക്‌സിജന്‍, വാട്ടര്‍ ബെഡ്, എയര്‍ബെഡ്, വിവിധ തരം വാക്കിങ് സ്റ്റിക്, ബാക്ക് റസ്റ്റ്, നെ ബുലൈസര്‍ എന്നിവ അടങ്ങിയ കിറ്റുകളാണ് ഓരോ സഹചാരി സെന്ററിലേക്കും ജാഥയില്‍ വിതരണം ചെയ്യുന്നത്.
വെണ്ണിയോട് നടന്ന സ്വീകരണ സംഗമത്തില്‍ ബാബു എന്നയാള്‍ക്ക് ചികിത്സാ സഹായം നല്‍കിയത് ശ്രദ്ധേയമായി. ജില്ലയില്‍ സ്തുത്യര്‍ഹ സേവനം നടത്തി വരുന്ന ഇരുപതോളം സഹചാരി സെന്ററുകള്‍ക്ക് എസ്.കെ.എസ്.എസ്.എഫ് വയനാട് സഊദി  വിങ് കമ്മിറ്റിയുടെ സഹായത്തോടെയാണ് മെഡിക്കല്‍ ഉപകരണങ്ങള്‍ വിതരണം ചെയ്യുന്നത്. ഇതിനിടെ ലക്ഷകണക്കിന് രൂപ അര്‍ഹരായ രോഗികള്‍ക്ക് വിതരണം ചെയ്ത സഹചാരിയുടെ പുതിയ കാല്‍വെപ്പാണ് ഇരുപതോളം സഹചാരി സെന്ററുകള്‍.