മുത്തങ്ങ: മുത്തങ്ങ പൊലിസ് എയ്ഡ് പോസ്റ്റിൽ നടത്തിയ വാഹന പരിശോധനയിൽ 308.30 ഗ്രാം എം.ഡി.എം.എയുമായി യുവാവ് പിടിയിൽ. കാസർകോട് അംഗടിമൊഗർ സ്വദേശി ബക്കംവളപ്പ് വീട്ടിൽ അബ്ദുൽ നഫ്‌സൽ ആണ് പൊലിസിന്റെ പിടിയിലായത്. മൈസൂരുവിൽ നിന്ന് കോഴിക്കോട്ടേക്ക് വരികയായിരുന്ന കർണാടക ബസിലെ യാത്രക്കാരനായിരുന്നു നഫ്‌സൽ. കാസർകോട് മേഖലയിൽ വിൽപന നടത്താൻ ബംഗളൂരുവിൽ നിന്നാണ് ഇയാൾ എം.ഡി.എം.എ എത്തിച്ചതെന്ന് അധികൃതർ അറിയിച്ചു. കടത്താൻ ശ്രമിച്ച എം.ഡി.എം.എക്ക് വിപണിയിൽ 15 ലക്ഷം രൂപ വിലയുണ്ട്.

A young man has been taken into custody after being found in possession of 308.30 grams of MDMA, a synthetic drug.