പാപ്പിനിശ്ശേരി: ചരിത്ര പ്രസിദ്ധമായ കാട്ടിലെപള്ളി മൂന്ന്‌പെറ്റുമ്മ മഖാം ഉറൂസിന് നാളെ തുടക്കമാകും. ജുമുഅ നിസ്‌കാരാനന്തരം സമസ്ത കേരള വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസലാം മുസ്‌ലിയാരുടെ അധ്യക്ഷതയില്‍ പള്ളിക്കര സംയുക്ത ജമാഅത്ത് ഖാസി പയ്യക്കി അബ്ദുല്‍ ഖാദര്‍ മുസ്‌ലിയാര്‍ ഉദ്ഘാടനം ചെയ്യും. രാത്രി 8ന് വി.കെ ഹസ്സന്‍ മുസ്‌ലിയാര്‍ ഏര്യം മതപ്രഭാഷണം നടത്തും.
18ന് രാത്രി 8ന് ഇസ്‌ലാമിക കഥാപ്രസംഗം. 19ന് രാത്രി 8ന് ദഫ് പ്രദര്‍ശനവും ബുര്‍ദ മജ്‌ലിസും. 20ന് രാത്രി 8ന് സമാപന സമ്മേളനം സയ്യിദ് അസ്‌ലം തങ്ങള്‍ അല്‍ മശ്ഹൂറിന്റെ അധ്യക്ഷതയില്‍ പി.കെ.പി അബ്ദുസ്സലാം മുസ്‌ലിയാര്‍ ഉദ്ഘാടനം ചെയ്യും. കെ മുഹമ്മദ് ശരീഫ് ബാഖവി ഉല്‍ബോധന പ്രസംഗം നടത്തും. സയ്യിദ് അലി ഹാശിം നദ്‌വി മുഖ്യപ്രഭാഷണം നടത്തും. ദിക്‌റ്, സ്വലാത്ത് കൂട്ടു പ്രാര്‍ഥനക്ക് സയ്യിദ് അല്‍ മശ്ഹൂര്‍ ആറ്റക്കോയ തങ്ങള്‍ അല്‍ അസ്ഹരി ആയിപ്പുഴ, കോഴിക്കോട് വലിയ ഖാസി സയ്യിദ് മുഹമ്മദ് കോയ ജമലുല്ലൈലി തങ്ങള്‍ എന്നിവര്‍ നേതൃത്വം നല്‍കും.
വാര്‍ത്താസമ്മേളനത്തില്‍ വി.പി ഷഹീര്‍, എം.വി മഹമ്മൂദ്, എ.പി അബ്ദുല്‍ ഖാദര്‍ ഹാജി, വി അബ്ദുല്ല ഹാജി സംബന്ധിച്ചു.