കൊല്ലം; ഗ്യാസ് സിലിണ്ടര്‍ പൊട്ടിത്തെറിച്ചതിനെ തുടര്‍ന്ന് കൊല്ലത്ത് രണ്ട് വീടുകള്‍ കത്തി നശിച്ചു. വീട്ടിലുള്ളവര്‍ ഓടി രക്ഷപെട്ടതിനാല്‍ വന്‍ ദുരന്തം ഒഴിവായി. കൊല്ലം ചിന്നക്കട സി.എസ്.ഐ കണ്‍വെന്‍ഷന്‍ സെന്ററിന് എതിര്‍വശം റെയില്‍വേ ക്വോര്‍ട്ടേഴ്‌സിന് സമീപത്തെ രണ്ട് വീടുകളാണ് കത്തി നശിച്ചത്.

പുലര്‍ച്ചെ 1:30 നാണ് സംഭവം. പെരുമാള്‍,സിറാജ് എന്നിവരുടെ വീടുകളാണ് കത്തി നശിച്ചത്. പെരുമാളിന്റെ വീട്ടിലെ സിലിണ്ടർ പൊട്ടിത്തെറിച്ചാണ് ദുരന്തമുണ്ടായത്.

പൊട്ടിത്തെറിച്ച സിലിണ്ടറില്‍ നിന്ന് തീ വേഗത്തില്‍ മുറിക്കുള്ളില്‍ പടരുകയായിരുന്നു. സമീപത്തെ സിറാജിന്റെ ടിന്‍ഷീറ്റ് മേഞ്ഞ വീട്ടിലേക്കും തീ പടര്‍ന്നു.

ഇരു വീടുകളിലേയും ഇലക്ട്രോണിക് ഉപകരണങ്ങള്‍ പൂര്‍ണമായും കത്തി നശിച്ചു.

നാല് യൂണിറ്റ് ഫയര്‍ഫോഴ്‌സ് എത്തിയാണ് തീ അണച്ചത്. ലക്ഷങ്ങളുടെ നഷ്ടം കണക്കാക്കപ്പെടുന്നു