തലശ്ശേരി: ആര്‍.എസ്.എസ് നേതാവ് കതിരൂര്‍ മനോജ് വധക്കേസില്‍ 11-ാം പ്രതിയായ തളിപ്പറമ്പ് തടിക്കടവിലെ അറക്കല്‍ കൃഷ്ണന്‍ ജാമ്യവ്യവസ്ഥയില്‍ ഇളവ്‌തേടി തലശേരി കോടതിയില്‍ നല്‍കിയ ഹരജിയില്‍ ജൂണ്‍ രണ്ടിന് വിധി പ്രഖ്യാപിക്കും.
    പൂട്ടിയിട്ട തന്റെ വീട് റിപ്പയര്‍ ചെയ്യാന്‍ 10 ദിവസം ജാമ്യവ്യവസ്ഥയില്‍ ഇളവ് നല്‍കണമെന്നാവശ്യപ്പെട്ടാണ് കൃഷ്ണന്‍ തലശ്ശേരി ജില്ലാ പ്രിന്‍സിപ്പല്‍ സെഷന്‍സ് കോടതിയില്‍ ഹരജി നല്‍കിയത്. കേസില്‍ റിമാന്‍ഡിലായ പ്രതിക്ക് കോടതി ജാമ്യം അനുവദിക്കുമ്പോള്‍ ജില്ലയില്‍ പ്രവേശിക്കാന്‍ അനുമതി നല്‍കിയിരുന്നില്ല.
     ജില്ലയില്‍ പ്രവേശിക്കണമെങ്കില്‍ കോടതിയുടെ പ്രത്യേക അനുമതി വേണമെന്ന് ജാമ്യവ്യവസ്ഥയില്‍ നിര്‍ദേശിച്ചിരുന്നു. അതിനിടെ മനോജ് വധക്കേസിലെ മുഖ്യപ്രതി വിക്രമനെ ചികിത്സക്കായി കൊണ്ടുപോയ ജീപ്പ് വിട്ടുനല്‍കണമെന്ന ഹരജിയും രണ്ടിന് കോടതി പരിഗണിക്കും.