ശ്രീകണ്ഠപുരം: നടുവില്‍ പോത്തുകുണ്ടില്‍ മിനിലോറി മറിഞ്ഞ് ഗുരുതരമായി പരുക്കേറ്റ മറുനാടന്‍ തൊഴിലാളി മതിയായ ചികിത്സ ലഭിക്കാതെ വാടകവീട്ടില്‍ നരകിക്കുന്നു. മലപ്പട്ടത്ത് ചെങ്കല്‍ പണയില്‍ ജോലിചെയ്യുന്ന കര്‍ണാടക സ്വദേശി അംബരിഷാ(28)ണ് ദുരിതമനുഭവിക്കുന്നത്. കഴിഞ്ഞ ശനിയാഴ്ച നടുവിലിലുണ്ടായ ടിപ്പര്‍ അപകടത്തിലാണ് ഇയാള്‍ക്ക് പരുക്കേറ്റത്. സഹപ്രവര്‍ത്തകനായ കര്‍ണാടക സ്വദേശി മല്ലു ഗുരുതരമായി പരുക്കേറ്റ് മംഗളൂരു ആശുപത്രിയില്‍ ചികിത്സയിലാണ്. അപകടത്തില്‍ മിനിലോറി ഡ്രൈവര്‍ കൊളന്തയിലെ പുതിയ വീട്ടില്‍ പ്രമോദ് മരിച്ചിരുന്നു. ദേഹമാസകലം പരുക്കേറ്റ അംബരിഷിന്റ മുറിവുകള്‍ ഉണങ്ങും മുന്‍പെ ഡിസ്ചാര്‍ജ് ചെയ്യുകയായിരുന്നു. ഇപ്പോള്‍ കൊളന്തയിലെ വാടക വീട്ടില്‍ വേദന തിന്നു കഴിയുന്ന അംബരീഷിനെ നാട്ടിലേക്ക് അയക്കാന്‍ കരാറുകാരന്‍ നടപടിയെടുക്കുന്നില്ലെന്നും പരാതിയുണ്ട്.