തേഞ്ഞിപ്പലം: അഖിലേന്ത്യാ അന്തര്‍ സര്‍വകലാശാലാ പുരുഷ ഫുട്‌ബോള്‍ കിരീടം കാലിക്കറ്റിന്. ബംഗാളിലെ മിഡ്‌നാപൂര്‍ വിദ്യാസാഗര്‍ സര്‍വകലാശാലയില്‍ നടന്ന ഫൈനലില്‍ ഒന്നിനെതിരേ രണ്ടു ഗോളുകള്‍ക്ക് പഞ്ചാബ് സര്‍വകലാശാലയെ കീഴടക്കിയാണ് സര്‍ അശുതോഷ് മുഖര്‍ജി ഷീല്‍ഡിനു കാലിക്കറ്റ് അര്‍ഹരായത്. കാലിക്കറ്റിനു വേണ്ടണ്ടി വടക്കാഞ്ചേരി വ്യാസ കോളജിലെ പി.എ നാസറാണ് രണ്ടു ഗോളുകളും നേടിയത്.

62ാം മിനുട്ടിലും 68ാം മിനുട്ടിലുമായിരുന്നു ഗോളുകള്‍. 78ാം മിനുട്ടില്‍ പെനാല്‍റ്റിയിലൂടെ പഞ്ചാബ് ഒരു ഗോള്‍ മടക്കി. നാലു മിനുട്ടിനു ശേഷം കാലിക്കറ്റിനു പെനാല്‍റ്റി ലഭിച്ചെങ്കിലും മുതലാക്കാനായില്ല. മുന്‍ ഇന്ത്യന്‍ താരം പത്മശ്രീ പി.കെ ബാനര്‍ജി ഷീല്‍ഡ് സമ്മാനിച്ചു.

ടീം: വൈ.പി മുഹമ്മദ് ഷെരീഫ് (ക്യാപ്റ്റന്‍), കെ.ഒ ജിയാദ് ഹസ്സന്‍, യു.എന്‍ സന്ദീപ്, ടി.പി അമല്‍, എ.എസ് ആഷിഖ്, വി.സി അനൂപ്, ടി സുഹൈല്‍, എ.കെ ഹമീം ജമാല്‍, പി.എ അജ്മല്‍, പി മുഹമ്മദ് സാബിത്, അര്‍ജ്ജുന്‍ ജയരാജ്, ഷിഹാദ് നെല്ലിപറമ്പന്‍, മുഹമ്മദ് അനസ് റഹ്മാന്‍, വി.കെ അഫഌല്‍, കെ.വി അഭിനവ്, കെ.ആര്‍ മുഹമ്മദ് ഷെബിന്‍, ജിബിന്‍ ദേവസ്യ, ജിസ് ജീസസ് ജോസ്, പി.എം അന്‍വര്‍ സാദത്ത്, പി.എ നാസര്‍. സതീവന്‍ ബാലന്‍ കോച്ചും മുഹമ്മദ് ഷെഫീഖ് അസിസ്റ്റന്റ് കോച്ചുമാണ്. ഡോ. കെ.എസ് ഹരിദയാലാണ് മാനേജര്‍.