കൊച്ചി: ഡി.വൈ.എഫ്.ഐ എറണാകുളം ജില്ലാ കമ്മിറ്റിക്കു കീഴിലുള്ള ഭഗത് സിങ്് സ്റ്റഡി സെന്ററിന്റെ നേതൃത്വത്തില്‍ ഒ.എന്‍.വി കുറുപ്പ് അനുസ്മരണവും ഒ.എന്‍.വി രചിച്ച ഗാനങ്ങള്‍ കോര്‍ത്തിണക്കിക്കൊണ്ടുള്ള ഗാനസന്ധ്യയും സംഘടിപ്പിക്കുന്നു. ഇന്ന് വൈകിട്ട് 5ന് ഹൈക്കോടതി ജങ്്ഷനിലെ ലാലന്‍ ടവറില്‍ നടക്കുന്ന പരിപാടി തിരകഥാകൃത്ത് ജോണ്‍ പോള്‍ ഉദ്ഘാടനം ചെയ്യും. ഡി.വൈ.എഫ്.ഐ സംസ്ഥാന സെക്രട്ടറി എം.സ്വരാജ് എം എല്‍ എ, മുന്‍ എം.പി. പി. രാജീവ്, ജി.സി.ഡി.എ ചെയര്‍മാന്‍ സി.എന്‍ മോഹനന്‍, ജില്ലാ ലൈബ്രറി കൗണ്‍സില്‍ സെക്രട്ടറി എം. ആര്‍ സുരേന്ദ്രന്‍ എന്നിവര്‍ സംസാരിക്കും. കലാ സാംസ്‌കാരിക സാമൂഹ്യ രംഗങ്ങളിലെ പ്രമുഖര്‍ പങ്കെടുക്കുന്ന പരിപാടിയില്‍ ഒ.എന്‍.വിയുടെ അനശ്വര ഗാനങ്ങള്‍ കോര്‍ത്തിണക്കി ഗാനസന്ധ്യ അവതരിപ്പിക്കുന്നത് കൊച്ചിന്‍ മന്‍സൂറാണ്.