ദോഹ: ഖത്തര്‍ ഇന്‍കാസ് സെന്‍ട്രല്‍ കമ്മറ്റിയുടെ ആഭിമുഖ്യത്തില്‍ നടക്കുന്ന ഇന്ത്യന്‍ നാഷണല്‍ കോണ്‍ഗ്രസ്സിന്റെ 132ാമത് വാര്‍ഷികാഘോഷ പരിപാടിയില്‍ പങ്കെടുക്കാന്‍ മുഖ്യാതിഥിയായി ദോഹയില്‍ എത്തിയ മുന്‍ എം.പിയും മുന്‍മന്ത്രിയും കെ.പി.സി.സി രാഷ്ട്രീയ കാര്യസമിതി അംഗവുമായ കെ. സുധാകരന് ഹമദ് ഇന്റര്‍നാഷണല്‍ എയര്‍പോര്‍ട്ടില്‍ ഇന്‍കാസ് നേതാക്കള്‍ ഉജ്ജ്വല സ്വീകരണം നല്‍കി. ഗ്ലോബല്‍ കമ്മറ്റിയുടെ ചുമതലയുള്ള കെ.പി.സി.സി ജനറല്‍ സെക്രട്ടറി എന്‍. സുബ്രഹ്മണ്യനും സെക്രട്ടറി മാന്നാര്‍ അബ്ദുല്‍ ലത്തീഫും കെ. സുധാകരനൊപ്പം ആഘോഷ പരിപാടികളില്‍ പങ്കെടുക്കാനായി ദോഹയില്‍ എത്തിയിട്ടുണ്ട്. ഇന്‍കാസ് സെന്‍ട്രല്‍ കമ്മറ്റി പ്രസിഡന്റ് ജോണ്‍ ഗില്‍ബര്‍ട്ട്, പ്രോഗ്രാം കമ്മറ്റി ചെയര്‍മാന്‍ സുരേഷ് കരിയാട്, കണ്‍വീനര്‍ സമീര്‍ ഏറാമല, ഗ്ലോബല്‍ കമ്മറ്റി ജനറല്‍ സെക്രട്ടറി കെ.കെ ഉസ്മാന്‍ എന്നിവരുള്‍പ്പെടെ വിവിധ ഗ്ലോബല്‍ കമ്മറ്റി, സെന്‍ട്രല്‍ കമ്മറ്റി, ജില്ലാ കമ്മറ്റി നേതാക്കളും കേരളത്തില്‍ നിന്നെത്തുന്ന നേതാക്കന്മാര്‍ നേതാക്കളെ സ്വീകരിക്കാന്‍ എയര്‍പോര്‍ട്ടില്‍ എത്തിയിരുന്നു.