റിയാദ്: സഊദിയിലെ അല്‍ബാഹ പ്രവിശ്യയില്‍ ഉണ്ടായ തീപിടിത്തത്തില്‍ 30,000 ചതുരശ്ര മീറ്റര്‍ വനമേഖല കത്തിനശിച്ചു. ഇവിടെ അല്‍ ഹതാഫിര്‍ ഗ്രാമത്തിലാണു പുല്‍മേടുകളും വൃക്ഷങ്ങളും അഗ്നിബാധയില്‍ കത്തിച്ചാമ്പലായത്. വിവരം ലഭിച്ചയുടന്‍ സിവില്‍ ഡിഫന്‍സ് വിഭാഗത്തിലെ ഒന്‍പത് യൂനിറ്റുകള്‍ കഠിനപ്രയത്‌നം നടത്തി തീ നിയന്ത്രണവിധേയമാക്കുകയായിരുന്നു. പ്രദേശത്തെ ഒരു കിണറ്റില്‍ സ്ഥാപിച്ച മോട്ടോറിലെ ഷോര്‍ട് സര്‍ക്യൂട ആണു തീപിടിത്തത്തിനിടയാക്കിയതെന്നാണു പ്രാഥമിക വിവരം. സംഭവത്തില്‍ ആളപായമില്ലെന്ന് സിവില്‍ ഡിഫന്‍സ് അധികൃതര്‍ അറിയിച്ചു.