തിരുവനന്തപുരം: വഴിയില്‍നിന്നു ലഭിച്ച ഡയമണ്ട് പതിച്ച നെക്‌ലേസ് ഉടമയ്ക്കു തിരികെ നല്‍കി പൊലിസുകാരന്റെ ഭാര്യ മാതൃകയായി. എ.ആര്‍ ക്യാമ്പിലെ പൊലിസുകാരനും വക്കം സ്വദേശിയുമായ സെര്‍ജിയുടെ ഭാര്യ ദീപയ്ക്കാണ് രണ്ടു പവനോളം തൂക്കം വരുന്ന മാല ലഭിച്ചത്.
മാലയ്ക്ക് രണ്ടു ലക്ഷത്തിലേറെ രൂപ വിലവരും. പാപ്പനംകോട് സ്വദേശി കാര്‍ത്തികയുടേതായിരുന്നു മാല. കഴിഞ്ഞ ദിവസം പാളയം എല്‍.എം.എസ്സിനു സമീപത്തുവച്ച് ഉച്ചയോടെയാണ് മാല നഷ്ടപ്പെട്ടതായി കാര്‍ത്തിക അറിയുന്നത്.
ഈ സമയം മാല ലഭിച്ച ദീപ അത് കണ്‍ട്രോള്‍റൂമില്‍ ഏല്‍പ്പിക്കുകയായിരുന്നു. അപ്പോഴേക്കും പരാതിയുമായി കാര്‍ത്തികയും അവിടെയെത്തി. കണ്‍ട്രോള്‍റൂമില്‍ ഒരു മീറ്റിങ് നടക്കുകയായിരുന്നു.ഒടുവില്‍ കോണ്‍ഫറന്‍സ് ഹാള്‍തന്നെ മാല തിരികെ നല്‍കുന്നതിനുള്ള വേദിയുമായി.