പത്താമുട്ടം: സെന്റ്ഗിറ്റ്‌സ് എഞ്ചിനീയറിംഗ് കോളജ് സംഘടിപ്പിച്ച ദേശീയ ടെക്‌നൊ കള്‍ച്ചറല്‍ ഫെസ്റ്റായ നക്ഷത്ര 2017 -ന്റെ സമാപനത്തിന്റെ ഭാഗമായി ഗ്രാമി അവാര്‍ഡ് ജേതാവും ലോകപ്രശസ്ത സംഗീതജ്ഞനും വയലിനിസ്റ്റുമായ മനോജ് ജോര്‍ജ് ചിറ്റിലപ്പള്ളിയെ ആദരിച്ചു. ഇന്ത്യന്‍ ആല്‍ബം വിന്‍ഡ്‌സ് ഓഫ് സംസാര ഗ്രാമി അവാര്‍ഡ് നേടിയെടുത്തപ്പോള്‍ ഈ കലാസൃഷ്ടിയുടെ പിന്നണിയില്‍ പ്രവര്‍ത്തിച്ചവരിലൊരാള്‍ തൃശ്ശൂരുകാരനായ മനോജ് ജോര്‍ജ് ആയിരുന്നു.
മനോജ് ജോര്‍ജ് 4 സ്ട്രിംഗ്‌സ് ' എന്ന ഇദ്ദേഹത്തിന്റെ ബാന്‍ഡ് ലോകോത്തര നിലവാരം പുലര്‍ത്തുന്നതാണ് . വയലിന്‍ മാത്രം അല്ല സംഗീത സംവിധാനവും ഇദ്ദേഹം കൈമുതല്‍ ആക്കിയിട്ടുണ്ട് .
സെന്റ്ഗിറ്റ്‌സ് എഞ്ചിനീയറിംഗ് കോളജ് സംഘടിപ്പിച്ച സൃഷ്ടി 2017 അഖിലേന്ത്യാ എഞ്ചിനീയറിംഗ് പ്രൊജെക്ട് പ്രദര്‍ശനത്തിന്റെ ഭാഗമായി നടത്തിയ പ്രസ്സ് ഫോട്ടോഗ്രഫി അവാര്‍ഡുകള്‍ ചടങ്ങില്‍ വിതരണം ചെയ്തു.
സെന്റ് ഗിറ്റ്‌സ് ഡയറക്ടര്‍ തോമസ് ടി ജോണ്‍, കോളജ് പ്രിന്‍സിപ്പല്‍ ഡോ. എം.സി.ഫിലിപ്പോസ്, ഗവേണിംഗ് ബോര്‍ഡ് മെമ്പര്‍ മിനി പുന്നൂസ് , ചീഫ് ഓപ്പറെറ്റിംഗ് ഓഫീസര്‍ ലെഫ്. കേണല്‍ ജോണ്‍ ജേക്കബ്,നക്ഷത്ര ചീഫ് കോര്‍ഡിനേറ്റര്‍ അസി.പ്രൊഫ. റെനി കെ ചെറിയാന്‍ , സ്റ്റുഡന്റ് കോര്‍ഡിനേറ്റര്‍മാരായ അരുണ്‍ ജേക്കബ്, തേജസ് ജോര്‍ജ് തുടങ്ങിയവര്‍ ചടങ്ങില്‍ സംസാരിച്ചു.
ഡ്രൈവര്‍ക്ക് മര്‍ദ്ദനമേറ്റതില്‍ പ്രതിഷേധിച്ച്്