നിലമ്പൂര്‍: അകമ്പാടം മാതൃകാ ഫോറസ്റ്റ് സ്‌റ്റേഷന്റെയും എടക്കോട് സ്‌റ്റേഷന്റെയും ഉദ്ഘാടനം വനംവകുപ്പ് മന്ത്രി കെ രാജു നിര്‍വഹിച്ചു. നബാര്‍ഡിന്റെ സഹായത്തോടെ 90 ലക്ഷം രൂപ ചെലവഴിച്ചാണ് എരഞ്ഞിമങ്ങാടില്‍ അകമ്പാടം ഫോറസ്റ്റ് സ്‌റ്റേഷന്‍ നിര്‍മിച്ചിട്ടുള്ളത്.
അകമ്പാടം മാതൃകാ സ്റ്റേഷന്‍ ഉദ്ഘാടനത്തില്‍ പി.കെ ബഷീര്‍ എം.എല്‍.എ അധ്യക്ഷനായി. എടക്കോട് ഫോറസ്റ്റ് സ്‌റ്റേഷന്‍ ഉദ്ഘാടനത്തില്‍ എ.പി അനില്‍കുമാര്‍ എം.എല്‍.എ അധ്യക്ഷനായി. പി.സി.സി.എഫ്.എസ്.സി ജോഷി, എ.പി.സി.സി.എഫ് ഇ പ്രദീപ് കുമാര്‍, സിസിഎഫ് എല്‍ ചന്ദ്രശേഖരന്‍, ഡി.എഫ്.ഒമാരായ സി.പി അനീഷ്, പി.കെ ആസിഫ്, ഡോ. ആടല്‍അരസന്‍, ഫോറസ്റ്റ് ഉദ്യോഗസ്ഥര്‍ ജനപ്രതിനിധികള്‍ തുടങ്ങിയവര്‍ സംസാരിച്ചു.
കനത്ത പൊലിസ് കാവലിലാണ് ഉദ്ഘാടനങ്ങള്‍ നടന്നത്.