കഠിനംകുളം: കഴക്കൂട്ടം എ. ജെ സെന്‍ട്രല്‍ സ്‌കൂളിന്റെ ഇരുപതാമത് വാര്‍ഷികാഘോഷം ഡോ: ശശി തരൂര്‍ എം.പി ഉദ്ഘാടനം ചെയ്തു.മാനേജിങ് ഡയറക്ടര്‍ സുധി ജബ്ബാര്‍ അധ്യക്ഷനായി. പാളയം ഇമാം വി.പി.സുഹൈബ് മൗലവി മുഖ്യപ്രഭാഷണം ന്നടത്തി. മാനേജിങ് ട്രസ്റ്റി ബല്‍ക്കീസ് ജബ്ബാര്‍, ഡോ. ഖാജാമിയ, സ്റ്റാഫ് സെക്രട്ടറി ശ്രീകല തുടങ്ങിയവര്‍ പങ്കെടുത്തു.
പ്രിന്‍സിപ്പാള്‍ ജയന്തി സ്വാഗതവും സ്‌കൂള്‍ ലീഡര്‍ അല്‍ അമീന്‍ നന്ദിയും പറഞ്ഞു.ചടങ്ങില്‍ ശശി തരൂരിനേയും സുഹൈബ് മൗലവിയേയും ഉപഹാരം നല്കി ആദരിച്ചു. കഴിഞ്ഞ അധ്യയനവര്‍ഷത്തില്‍ കലാകായിക വിദ്യാഭ്യാസ മേഖലകളില്‍ കഴിവ് തെളിയിച്ച വിദ്യാര്‍ഥികള്‍ക്ക് അവാര്‍ഡുകള്‍ വിതരണം ചെയ്തു.
തുടര്‍ന്ന് വിദ്യാര്‍ത്ഥികള്‍ അവതരിപ്പിച്ച കലാവിരുന്നും അരങ്ങേറി.