ലാസ: ടിബറ്റിലെ ബുദ്ധവിഹാര കേന്ദ്രത്തില്‍ വന്‍ തീപിടിത്തം. ടിബറ്റന്‍ തലസ്ഥാനമായ ലാസയിലെ പ്രധാനപ്പെട്ട ബുദ്ധ ആശ്രമങ്ങളില്‍ ഒന്നായ ജോകാങ് മൊണാസ്ട്രിയിലാണു തീപിടിത്തമുണ്ടായത്. സംഭവത്തില്‍ ആളപായം റിപ്പോര്‍ട്ട് ചെയ്തിട്ടില്ല.
ആയിരത്തോളം വര്‍ഷം പഴക്കമുള്ള ബുദ്ധവിഹാര കേന്ദ്രമാണ് ജോകാങ് മൊണാസ്ട്രി. ഇതിനെ യുനെസ്‌കോ പൈതൃക പട്ടികയില്‍ ഉള്‍പ്പെടുത്തിയിട്ടുണ്ട്. അപകടത്തിലെ നാശനഷ്ടങ്ങളുടെ തോത് വ്യക്തമായിട്ടില്ല. സാംസ്‌കാരിക ശേഷിപ്പുകള്‍ക്ക് കേടുപാടുകള്‍ സംഭവിച്ചിട്ടില്ലെന്ന് സര്‍ക്കാര്‍ മാധ്യമം റിപ്പോര്‍ട്ട് ചെയ്തു.