കണ്ണൂര്‍: മട്ടന്നൂരില്‍ യൂത്ത് കോണ്‍ഗ്രസ് നേതാവ് ശുഹൈബ് കൊല്ലപ്പെട്ട സംഭവത്തില്‍ പൊലിസ് അറസ്റ്റ് ചെയ്തത് ഡമ്മി പ്രതികളെയെന്ന് കോണ്‍ഗ്രസ് നേതാവ് കെ.സുധാകരന്‍ ആരോപിച്ചു. സംഭവത്തില്‍ ഉന്നതതല ഗൂഢാലോചന നടന്നിട്ടുണ്ടെന്നും സുധാകരന്‍ ആരോപിച്ചു. 48 മണിക്കൂര്‍ നിരാഹാരസമരത്തിന് മുന്നോടിയായി മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

പ്രതികളുടെ അറസ്റ്റ് രേഖപ്പെടുത്തിയത് എസ്.പിയുടെ തീരുമാനം മറിക്കടന്നാണ്. യഥാര്‍ഥ പ്രതികളാണോ എന്ന് ഉറപ്പാക്കിയതിനുശേഷം മാത്രം അറസ്റ്റ് രേഖപ്പെടുത്തിയാല്‍ മതി എന്ന എസ്.പിയുടെ തീരുമാനം മറിക്കടന്നതില്‍ എസ്.പി കടുത്ത പ്രതിഷേധത്തിലാണെന്നും സുധാകരന്‍ പറഞ്ഞു. സത്യസന്ധവും നീതിയുക്തമായ രീതിയിലും സ്വതന്ത്രമായും അന്വേഷണം നടത്തുകയാണെങ്കില്‍ തീര്‍ച്ചയായും പ്രതികളെ പിടികൂടാമെന്നും അദ്ദേഹം പറഞ്ഞു.