ചാവക്കാട്: മനുഷ്യന്റെ അവിഹിതമായ ഇടപെടലുകളാണ് പ്രകൃതി ദുരന്തങ്ങള്‍ക്ക് കാരണമെന്ന് എസ്.കെ.എസ്.എസ്.എഫ് ജില്ലാ പ്രസിഡന്റ് സിദ്ദീഖ് ബദ്‌രി പറഞ്ഞു. എസ്.കെ.എസ്.എസ്.എഫ് ചാവക്കാട് മേഖല കമ്മിറ്റിയുടെ നേതൃത്വത്തില്‍ പരിസ്ഥിതി ദിന ക്ലാസ് ഉദ്ഘാടനം ചെയ്യുകയായിരുന്നു അദ്ദേഹം.
പ്രകൃതി മനുഷ്യന് മാത്രമല്ല സര്‍വജാലങ്ങള്‍ക്കുമള്ളതാണെന്നും അദ്ദേഹം പറഞ്ഞുജൂണ്‍ അഞ്ചിന് വൃക്ഷത്തൈകള്‍ വിതരണം ചെയ്യാന്‍ യോഗം തീരുമാനിച്ചു. പരിസ്ഥിതി സന്ദേശം നല്‍കാന്‍ പൊതു പരിപാടികള്‍ സംഘടിപ്പിക്കാനും മേഖല കമ്മിറ്റി യോഗം ആഹ്വാനം ചെയ്തു. പ്രസിഡന്റ് ഷാഫി ദാരിമി അധ്യക്ഷനായി. സെക്രട്ടറി ജാബിര്‍ യമാനി, കോഡിനേറ്റര്‍ മഅ്‌റൂഫ് വാഫി, സത്താര്‍ ദാരിമി, അലി റഹ്മാനി, ഫാദില്‍ തങ്ങള്‍ സംസാരിച്ചു.