കോഴിക്കോട്: അവധിക്കാല തിരക്ക് ഒഴിവാക്കാന്‍ അടുത്തമാസം കൊച്ചുവേളി-മംഗളൂരു റൂട്ടില്‍ പ്രത്യേക ട്രെയിന്‍ സര്‍വിസ് നടത്തും. മാര്‍ച്ച് രണ്ട്, ഒന്‍പത്, 16 തിയതികളില്‍ വൈകിട്ട് 6.35ന് കൊച്ചുവേളിയില്‍ നിന്ന് പുറപ്പെടുന്ന 06053 നമ്പര്‍ ട്രെയിന്‍ അടുത്തദിവസം പുലര്‍ച്ചെ 5.10ന് മംഗളൂരു ജങ്ഷനില്‍ എത്തും.
നാല്, 11, 18 തിയതികളില്‍ മംഗളൂരു ജങ്ഷനില്‍ നിന്ന് 06054 എന്ന നമ്പറില്‍ പുറപ്പെടുന്ന തിരികെയുള്ള ട്രെയിന്‍ പിറ്റേദിവസം പുലര്‍ച്ചെ അഞ്ചിന് കൊച്ചുവേളിയില്‍ എത്തും. ഒരു എ.സി ടു ടയര്‍, രണ്ട് എ.സി ത്രീ ടയര്‍, ഏഴു സ്ലീപ്പര്‍, മൂന്നു ജനറല്‍, രണ്ടു ലഗേജ് എന്നിങ്ങനെയാണു കോച്ചുനില. കൊല്ലം, കായംകുളം, ചെങ്ങന്നൂര്‍, തിരുവല്ല, കോട്ടയം, എറണാകുളം ടൗണ്‍, ആലുവ, തൃശൂര്‍, ഷൊര്‍ണൂര്‍, കോഴിക്കോട്, കണ്ണൂര്‍, കാസര്‍കോട് എന്നിവിടങ്ങളിലാണു സ്‌റ്റോപ്പ്.