കോഴിക്കോട്: കേരള സംസ്ഥാന സുന്നി യുവജന ഫെഡറേഷന്റെ കലാവിഭാഗമായ ഐ.കെ.എസ്.എസിന്റെ സംസ്ഥാന കലാമേള 24ന് കൊണ്ടോട്ടി മോയിന്‍കുട്ടി വൈദ്യര്‍ മാപ്പിളകലാ അക്കാദമിയില്‍ നടക്കും.
സംസ്ഥാനത്ത് നിന്ന് തിരഞ്ഞെടുക്കപ്പെട്ട 260 പ്രതിഭകള്‍ മത്സരിക്കുമെന്ന് സംഘാടകര്‍ വാര്‍ത്താസമ്മേളത്തില്‍ പറഞ്ഞു. സയ്യിദ് ഹസന്‍ സഖാഫ് തങ്ങള്‍ കൊടക്കല്‍ പ്രാര്‍ഥന നിര്‍വഹിക്കും. സയ്യിദ് ശൗഖത്തലി തങ്ങള്‍ അധ്യക്ഷനാകും.
മാപ്പിളപ്പാട്ട്, ഖുര്‍ആന്‍ പാരായണം, പ്രസംഗം, അറബി ഗാനം, ഭക്തി ഗാനം, പ്രബന്ധം തുടങ്ങിയവയാണ് മത്സര ഇനങ്ങള്‍. എം. ഉമ്മര്‍ എം.എല്‍.എ കലാമേള ഉദ്ഘാടനം ചെയ്യും.
സമദ് മൗലവി മണ്ണാര്‍മല,പി.എച്ച്. അബ്ദുല്ല , ഹനീഫ മുടിക്കോട് എന്നിവര്‍ക്ക് പുരസ്‌കാരം നല്‍കും. പാറക്കല്‍ അബ്ദുല്ല എം.എല്‍.എ പുരസ്‌കാരം സമര്‍പ്പിക്കും.
വി.കെ.സി മമ്മദ് കോയ എം.എല്‍.എ ട്രോഫി വിതരണവും ആസാദ് വണ്ടൂര്‍ പ്രശസ്തി പത്രവും സയ്യിദ് ഹാശിം ബാഫഖി തങ്ങള്‍ സര്‍ട്ടിഫിക്കറ്റ് വിതരണവും നടത്തും.
വാര്‍ത്താസമ്മേളനത്തില്‍ ഫാറൂഖ് ഇ. മുഹമ്മദ്, സയ്യിദ് ശൗഖത്തലി തങ്ങള്‍, എം.എച്ച്. വള്ളുവങ്ങാട്, അബൂബക്കര്‍ ചേലക്കാട് പങ്കെടുത്തു.