HOME
DETAILS

അഞ്ചു ക്വിന്റലോളം നിരോധിത പുകയില ഉല്‍പന്നങ്ങളുമായി മൂന്നു പേര്‍ പിടിയില്‍

  
backup
February 24 2018 | 08:02 AM

%e0%b4%85%e0%b4%9e%e0%b5%8d%e0%b4%9a%e0%b5%81-%e0%b4%95%e0%b5%8d%e0%b4%b5%e0%b4%bf%e0%b4%a8%e0%b5%8d%e0%b4%b1%e0%b4%b2%e0%b5%8b%e0%b4%b3%e0%b4%82-%e0%b4%a8%e0%b4%bf%e0%b4%b0%e0%b5%8b%e0%b4%a7%e0%b4%bf

കൂത്തുപറമ്പ്: ലോറിയില്‍ കടത്തുകയായിരുന്ന അഞ്ചു ക്വിന്റലോളം നിരോധിത പുകയില ഉല്‍പന്നങ്ങളുമായി ഇരിട്ടി സ്വദേശികളായ മൂന്നു പേരെ എക്‌സൈസ് സംഘം അറസ്റ്റു ചെയ്തു.

ശനിയാഴ്ച പുലര്‍ച്ചെ അഞ്ചോടെ കൂത്തുപറമ്പ് എക്‌സൈസ് ഇന്‍സ്‌പെക്ടര്‍ സി.രജിത്തിന്റെ നേതൃത്വത്തിലുള്ള സംഘം നടത്തിയ വാഹന പരിശോധനയ്ക്കിടെയാണ് ഇരിട്ടി സ്വദേശികളായ പുതിയപുരയില്‍ മുഹമ്മദലി (47), കെ.വി.ഹൗസില്‍ ഷംസുദ്ദീന്‍ (45), കെ.പി.ബഷീര്‍ (38) എന്നിവര്‍ പിടിയിലായത്.

എക്‌സൈസ് കമ്മീഷണറുടെ സ്പഷല്‍ സ്‌ക്വോഡിനു ലഭിച്ച രഹസ്യവിവരത്തെ തുടര്‍ന്നായിരുന്നു നിര്‍മലഗിരി കോളജിനു സമീപം മെയിന്‍ റോഡില്‍ പരിശോധന നടത്തിയത്.

ഇരുപത്തിയാറ് ചാക്കുകളിലാക്കി ലോറിയില്‍ പ്ലാസ്റ്റിക് ഷീറ്റുകൊണ്ട് മൂടിയ നിലയിലായിരുന്നു 512 കിലോഗ്രാം തൂക്കം വരുന്ന പുകയില ഉല്‍പന്നങ്ങള്‍.

കര്‍ണാടകയില്‍നിന്നു കൊണ്ടുവരികയായിരുന്ന ഇവ സംസ്ഥാനത്തിന്റെ വിവിധ ഭാഗങ്ങളില്‍ വില്‍പന നടത്താറാണ് പതിവെന്ന് എക്‌സൈസ് ഉദ്യോഗസ്ഥര്‍ പറഞ്ഞു.

ഇവ കടത്താന്‍ ഉപയോഗിച്ച ലോറിയും കസ്റ്റഡിയിലെടുത്തു. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ പി.കെ.ചിദംബരം, സിവില്‍ ഓഫീസര്‍മാരായ കെ.ബിജു, കെ.കെ.സാജന്‍, കെ.ഇസ്മയില്‍ പരിശോധന സംഘത്തിലുണ്ടായിരുന്നു.


 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."