കോട്ടയം: പള്ളിയില്‍ പ്രാര്‍ത്ഥിക്കാന്‍ എത്തിയ കുട്ടിയുടെ പാദസ്വരം മോഷ്ടിച്ചയാളെ പിടികൂടി. കുഴിമറ്റം സ്വദേശി ട്രൈസണ്‍ പി തോമസ് (33)ആണ് പിടിയിലായത്. ഇന്നലെ രാവിലെ നാഗമ്പടം സെന്റ് ആന്റണീസ് പള്ളിക്ക് സമീപത്തു വച്ചായിരുന്നു സംഭവം. മാതാപിതാക്കളോടോപ്പം എത്തിയതായിരുന്നു കുട്ടി. ഇവര്‍ നേര്‍ച്ച ഇടാന്‍ പോയ സമയത്താണ് മോഷ്ടിച്ചത്. കുട്ടിയുടെ ബഹളത്തെ തുടര്‍ന്ന് പള്ളിയില്‍ എത്തിയവരും മാതാപിതാക്കളും ചേര്‍ന്ന് ഓടിച്ചിട്ട് പിടികൂടുകയായിരുന്നു. തുടര്‍ന്ന് നാഗമ്പടത്തെ കണ്‍ട്രോള്‍ റൂമിന് കൈമാറി.