തൃശൂര്‍: കായിക മേഖലയുടെ വളര്‍ച്ചക്ക് കേരളം ക്യൂബയെ മാതൃകയാക്കണമെന്ന് സി.പി.എം സംസ്ഥാന സമ്മേളനത്തില്‍ പ്രമേയം. അന്താരാഷ്ട്രതലത്തില്‍ മികവ് തെളിയിച്ച അനേകം അത്‌ലറ്റുകളെ കേരളം സൃഷ്ടിച്ചിട്ടുണ്ട്. ദീര്‍ഘവീക്ഷണത്തോടെയുള്ള ആസൂത്രണം, ശാസ്ത്രീയമായ പരിശീലന സംവിധാനങ്ങള്‍ എന്നിവയിലൂടെ കൂടുതല്‍ നേട്ടങ്ങള്‍ കൈവരിക്കാന്‍ കേരളത്തിന് കഴിയും. ക്യൂബ ഇക്കാര്യത്തില്‍ അനുകരണീയ മാതൃകയാണെന്നും പ്രമേയം പറയുന്നു.