കോഴിക്കോട്: വിവിധ തദ്ദേശ സ്ഥാപനങ്ങളിലേക്കു നടന്ന ഉപതെരഞ്ഞെടുപ്പുകളിലെ ഫലങ്ങള്‍ പുറത്തുവന്നു.

കാസര്‍കോട് തിരുനെല്ലി പഞ്ചായത്തില്‍ അപ്പപ്പാറ 2-ാം വാര്‍ഡില്‍ സിപിഎം സ്ഥാനാര്‍ഥി ബിന്ദു സുരേഷ് ബാബു വിജയിച്ചു. കാഞ്ഞങ്ങാട് അമ്പലത്തുകര ഡിവിഷനില്‍ എല്‍ഡിഎഫ് സ്ഥാനാര്‍ഥി പി. ഓമന വിജയിച്ചു.

കണ്ണൂര്‍ പേരാവൂര്‍ പഞ്ചായത്ത് 11- ാം വാര്‍ഡ് ഉപതെരഞ്ഞെടുപ്പില്‍ മുസ്‌ലിം ലീഗിലെ സിറാജ് പൂക്കോത്ത് വിജയിച്ചു. 382 വോട്ടിന്റെ ഭൂരിപക്ഷത്തിലാണ് സിറാജ് ഇടതു സ്വതന്ത്ര സ്ഥാനാര്‍ഥി അബ്ദുല്‍ റഷീദിനെ തോല്‍പ്പിച്ചത്.

വയനാട് കല്‍പ്പറ്റ ബ്ലോക്ക് പഞ്ചായത്ത് പടിഞ്ഞാറത്തറ ഡിവിഷനില്‍ മുസ്‌ലിംലീഗ് സ്ഥാനാര്‍ഥി പിസി മമ്മുട്ടി വിജയിച്ചു. 904 വോട്ടുകള്‍ക്കാണ് വിജയം.

കോഴിക്കോട് കൊടുവള്ളി നഗരസഭാ ഉപതെരഞ്ഞെടുപ്പില്‍ മുസ്‌ലിം ലീഗിലെ സെറീന റഫീഖ് വിജയിച്ചു. 97 വോട്ടുകള്‍ക്കാണ് എതിര്‍സ്ഥാനാര്‍ഥിയെ പരാജയപ്പെടുത്തിയത്.

മലപ്പുറം തവനൂര്‍ പഞ്ചായത്ത് എട്ടാം വാര്‍ഡില്‍ എല്‍ഡിഎഫ് സ്ഥാനാര്‍ഥി വിജയിച്ചു. 467 വോട്ടുകള്‍ക്കാണ് എല്‍ഡിഎഫിലെ അബ്ദുല്‍ നാസര്‍ വിജയിച്ചത്. ഇതോടെ ഇവിടെ ഭരണം എല്‍ഡിഎഫിനു ലഭിച്ചു. വെട്ടം പഞ്ചായത്തില്‍ അഞ്ചാം വാര്‍ഡില്‍ യുഡിഎഫ് സ്ഥാനാര്‍ഥി വിജയിച്ചു.

പാലക്കാട് കുലുക്കല്ലുരില്‍ എഴാം വാര്‍ഡില്‍ കോണ്‍ഗ്രസ് വിമത സ്ഥാനാര്‍ഥി വിജയിച്ചു.

തൃശ്ശൂര്‍ ചാഴൂരില്‍ 17-ാം വാര്‍ഡില്‍ എല്‍ഡിഎഫ് സ്ഥാനാര്‍ഥി ദീപാ വസന്തന്‍ 288 വോട്ടിനു വിജയിച്ചു.

ആലപ്പുഴ തകഴിയില്‍ എല്‍ഡിഎഫ് സ്ഥാനാര്‍ഥി കെ സുഷമ വിജയിച്ചു. എഴുപുന്നയില്‍ എല്‍ഡിഎഫ് സ്ഥാനാര്‍ഥി ആര്‍ ജീവന്‍ വിജയിച്ചു.

എറണാകുളം രാമമംഗലത്ത് പഞ്ചായത്തില്‍ കോണ്‍ഗ്രസിലെ എന്‍ആര്‍ ശ്രീനിവാസന്‍ വിജയിച്ചു.

കോട്ടയം മുത്തോലി പഞ്ചായത്തില്‍ കോണ്‍ഗ്രസ് സ്ഥാനാര്‍ഥി വിജയിച്ചു. കേരളാ കോണ്‍ഗ്രസ് സ്ഥാനാര്‍ഥിയെ 117 വോട്ടുകള്‍ക്കാണ് പരാജയപ്പെടുത്തിയത്.

പത്തനംതിട്ട തണ്ണിക്കോട് പഞ്ചായത്ത് മണ്ണറ വാര്‍ഡില്‍ എല്‍ഡിഎഫ് സ്ഥാനാര്‍ഥി സിജോ തോമസ് വിജയിച്ചു.

കൊല്ലം ഉമ്മന്നൂര്‍ പഞ്ചായത്തില്‍ അണ്ടൂര്‍ വാര്‍ഡില്‍ എല്‍ഡിഎഫ് സ്ഥാനാര്‍ഥി രമ മണിയമ്മ വിജയിച്ചു.