ദമാം: സഊദിയുടെ അതിര്‍ത്തി പ്രദേശമായ ജിസാനിലേക്ക് വീണ്ടും യമനിലെ റിബലുകളായ ഹൂതി മലീഷികള്‍ മിസൈല്‍ ആക്രമണം നടത്തി. ഏതാനും മിസൈലുകള്‍ തങ്ങളുടെ സൈനികരെ ലക്ഷ്യം വച്ച് അതിര്‍ത്തി പ്രദേശമായ ജിസാനിലെ ആര്‍മി ക്യാംപിനടുത്ത് പതിച്ചതായും ജീവഹാനി സംഭവിച്ചിട്ടില്ലെന്നും സഊദി സൈനിക വൃത്തങ്ങള്‍ വ്യക്തമാക്കി. കഴിഞ്ഞ ഏപ്രില്‍ പത്തു മുതല്‍ യമനിലെ സമധാനം പുനഃസ്ഥാപനത്തിനായി കുവൈത്തിന്റെ നേതൃത്വത്തില്‍ ചര്‍ച്ചകള്‍ നടന്നു വരികയാണ്. കഴിഞ്ഞ വെള്ളിയാഴ്ചയും മിസൈല്‍ ആക്രമണം നടന്നിരുന്നു. കൂടാതെ അതിര്‍ത്തി പ്രദേശത്ത് കുഴി ബോംബ് പൊട്ടിതെറിച്ചു ഒരാള്‍ കൊല്ലപ്പെട്ടതായും മൂന്നു പേര്‍ക്ക് പരുക്കേറ്റതായും സഊദി ആഭ്യന്തര മന്ത്രാലയം വ്യക്തമാക്കിയിരുന്നു.