അരീക്കോട്: മത്സ്യക്കൃഷിയില്‍ വിജയംകൊയ്ത് കുന്നത്ത് ചാലി കെ.സി ഹംസ. ഏഴ് മാസം മുന്‍പാണ് ഹംസ ഗിഫ്റ്റ് തിലോപ്പിയ, അനാബസ്, നെട്ടര്‍ തുടങ്ങി വിവിധ ഇനങ്ങളിലുള്ള 2000 മത്സ്യക്കുഞ്ഞുങ്ങളെ നിക്ഷേപിച്ചത്. കൂടാതെ ഗെപ്പി, മോളി, ഷോര്‍ട് ടൈല്‍, ഫ്‌ലാറ്റി, ഗോള്‍ഡ് ഫിഷ് തുടങ്ങി വിവിധ ഇനങ്ങളിലുള്ള അലങ്കാര മത്സ്യങ്ങള്‍ വേറെയുമുണ്ട്.
മത്സ്യക്കൊയ്ത്ത് ഉദ്ഘാടനം കീഴുപറമ്പ് പഞ്ചായത്ത് വൈസ് പ്രസിഡന്റ് കെ.വി റൈഹാന ബേബി നിര്‍വഹിച്ചു.
അരീക്കോട് പഞ്ചായത്തിലെ മികച്ച യുവകര്‍ഷകനായി തെരഞ്ഞെടുക്കപ്പെട്ട നൗഷര്‍ കല്ലട, ഓടക്കയം യു.പി സ്‌കൂള്‍ അധ്യാപകന്‍ ഷൈന്‍ പി. ജോസ് തുടങ്ങിയവര്‍ സംബന്ധിച്ചു.