കല്‍പ്പറ്റ: ഏപ്രില്‍ 20ന് പനമരത്ത് നടക്കുന്ന സമസ്ത ജില്ലാ സമ്മേളന പ്രചരണാര്‍ഥം സംഘടിപ്പിക്കുന്ന ആദര്‍ശ സംഗമങ്ങള്‍ ഇന്ന് മൂന്ന് കേന്ദ്രങ്ങളില്‍ നടക്കും വൈകിട്ട് 3.30ന് മക്കിയാട് മദ്‌റസയില്‍ വെള്ളമുണ്ട റെയ്ഞ്ച് ആദര്‍ശ സംഗമം സ്വാഗത സംഘം ചെയര്‍മാന്‍ എസ് മുഹമ്മദ് ദാരിമി ഉദ്ഘാടനം ചെയ്യും. റെയ്ഞ്ച് പ്രസിഡന്റ് നൂറുദ്ദീന്‍ ഫൈസി അധ്യക്ഷനാവും. ഇസ്മായില്‍ ദാരിമി കെല്ലൂര്‍, ഹാരിസ് ബാഖവി കമ്പളക്കാട് വിഷയങ്ങളവതരിപ്പിക്കും.
വൈകിട്ട് നാലിന് പടിഞ്ഞാറത്തറ ടൗണ്‍ മദ്‌റസയില്‍ പടിഞ്ഞാറത്തറ റെയ്ഞ്ച് ആദര്‍ശ സംഗമം ജംഇയ്യത്തുല്‍ മുഅല്ലിമീന്‍ സംസ്ഥാന ട്രഷറര്‍ എം.എം ഇമ്പിച്ചിക്കോയ മുസ്‌ലിയാര്‍ ഉദ്ഘാടനം ചെയ്യും. റെയ്ഞ്ച് പ്രസിഡന്റ് ശിഹാബുദ്ദീന്‍ ഇമ്പിച്ചിക്കോയ തങ്ങള്‍ അധ്യക്ഷനാവും.
പിണങ്ങോട് അബൂബക്കര്‍, അലി യമാനി വിഷയങ്ങളവതരിപ്പിക്കും. വൈകിട്ട് നാലിന് പൊഴുതന ടൗണ്‍ മദ്‌റസയില്‍ നടക്കുന്ന പൊഴുതന റെയ്ഞ്ച് ആദര്‍ശ സംഗമം മുജീബ് തങ്ങള്‍ ഉദ്ഘാടനം ചെയ്യും. റെയ്ഞ്ച് പ്രസിഡന്റ് ശംസീര്‍ ഫൈസി അധ്യക്ഷനാവും. മമ്മൂട്ടി നിസാമി തരുവണ, ജാഫര്‍ ഹൈതമി വിഷയങ്ങളവതരിപ്പിക്കും. റെയ്ഞ്ച് തലങ്ങളില്‍ പ്രവര്‍ത്തനങ്ങള്‍ക്ക് നേതൃത്വം നല്‍കുന്നതിന് സംഘാടക സമിതികള്‍ക്ക് സംഗമങ്ങളില്‍ രൂപം നല്‍കും.