കല്‍പ്പറ്റ: നിയോജക മണ്ഡലത്തിലെ വികസന പിന്നാക്കാവസ്ഥയില്‍ പ്രതിഷേധിച്ച് നിയോജക മണ്ഡലം യൂത്ത്‌ലീഗ് നടത്തിയ വികസന പിന്നാക്ക യാത്ര ഇന്ന് സമാപിക്കും. സമാപനത്തോടനുബന്ധിച്ച് ഇന്ന് വൈകിട്ട് നാലിന് കല്‍പ്പറ്റയില്‍ പ്രവര്‍ത്തകര്‍ പിന്നോട്ട് നടന്ന് പ്രതിഷേധ പ്രകടനം നടത്തും. തുടര്‍ന്ന് നടക്കുന്ന സമാപന സമ്മേളനം മുസ്്‌ലിംലീഗ് സംസ്ഥാന വൈസ് പ്രസിഡന്റ് സി മോയിന്‍കുട്ടി എക്‌സ് എം.എല്‍.എ ഉദ്ഘാടനം ചെയ്യും.
കഴിഞ്ഞ ദിവസം നടന്ന ജാഥ പഴയ വൈത്തിരിയില്‍ മണ്ഡലംലീഗ് ട്രഷറര്‍ സലീം മേമന ഉദ്ഘാടനം ചെയ്തു. മനാഫ് അധ്യക്ഷനായി. ജാഥ വൈസ് ക്യാപ്റ്റന് ടി എസ് നാസര്, ജില്ലാ യൂത്ത്‌ലീഗ് ഭാരവാഹികളായ ജാസര് പാലക്കല്, അഡ്വ.എ.പി മുസ്തഫ, ഫസല് സി എച്ച്, സി.ഇ ഹാരിസ്, ഷാജി കുന്നത്ത്, സി ഷിഹാബ്, എ കെ സൈതലവി, പി.പി ഷൈജല്, ടി ശംസുദ്ദീന്, പഞ്ചായത്ത് ലീഗ് പ്രസിഡന്റ് കെ.എം എ സലീം, ഹനീഫ വി കെ, ബഷീര് പൂക്കോടന്, റാഷിക്ക് ജവാദ്, നിഷാദ് മേമന സംസാരിച്ചു.
മേപ്പാടിയില്‍ നടന്ന സമാപന പൊതുയോഗം നിയോജക മണ്ഡലംലീഗ് ജന.സെക്രട്ടറി ടി ഹംസ ഉദ്ഘാടനം ചെയ്തു. യഹ്‌യാഖാന്‍ തലക്കല്‍, നജീബ് കാരാടന്‍, പി.കെ അശ്‌റഫ്, റജീഷലി, സി ഹാരിസ് സംസാരിച്ചു.